धुर्त तानाशाह, दोपला चेमो, केवाला शत्रु
एसे निम्छरो म्हिला ल्हुइदा ब्रेजि
थेन्ना कासे च्युर्बा मुला एला याफ्ला
एसे स्वाभिमान जादूला लिदा बोजि
ओम बुला चेनाङ ड्वाजि दुःखला ब्लु ।
ह्राङ्दान कोल्ना लाबारि ख्लागो बहारला मौसमरि
मु चाङ्बा मुला उषाकालीन होइसेरसे
क्षितिजरि च्यार्चिबा मुला दोपला आतंक
मुला खासुला गड्याङ गुडुङ थेन लाबाला सन्सनाहट ।
खबरदार ! मेफ्रान्हाङरि मे नोन मे मुला
खाल्छे पुजु सुला थेनोन घाइते ताला
क्यार्से च्यागो ङान्छे मानबीय क्रास्या थेन इच्छाशक्तिला
म्हेन्दो डिहिर सुजिन्जि
ङान्छे साजाम्बुलिङला तिङदा का सिन्चित लाबा मुला
चुदा मिख्लिसे छ्योपछ्योप बाम्ना लाबा मुला
काला छ्युलिङसे एदा ब्योङ्सि बोर्सेला मुला
एन्दा मेला ल्हामसे भस्म– मफ्रा दोना लाला ।
(छिगकि दोनः चेमो– प्रेमी, चाङ्बा– सफा, छ्युलिङ– सागर)
(व्हाइखाब्रिखेन कासिम अल शाबी, ट्युनिशियाला हिन्ना । नेपालीरि दोःबा : जय कार्की, तामाङरि दोःबा : यकिना अगाध)
तपाईको प्रतिक्रिया दिनुहोस