एला गोङ्माकादे
फाइला फाल्गि आहिन !
फाइला
तरबार ङेला बिसिकेन ब्राचिबा मुला !
ओस्बान म्हिकादे
एदा
मुर्ख, याकार, घमन्डी, म्योबा
बिसिकेन
ब्रेबाला गोजासे छेप्चिबा स्याप्ला । 
तासाइ नोन एला लिरि ह्याल ताइबा आरे । 
तिल्माजेक्खे
चुला रहस्य स्यो डोजि । 
तिनि तिलाइ
एदा च्याङ्ना टिप्पणी ल्हुबाकेन मुला ।

एला स्योरि ! अंगुलीमालादा
चेला स्होबा बुद्धला प्रशंसा चिम । 
माक्र्सला 
अध्ययन थेन त्यगदा श्रद्धा म्राङ्जि । 
स्टिफिन हाकिङला
हिम्मत, संघर्ष थेन ग्युइरि नतमस्तक याङ्जि । 
माओ, गान्धी थेन मण्डेलाला 
छ्योकुरि डुब्बा मुला । 
गंगालाल थेन शुक्रराजला डोङ्बा ङ्हाच्छा 
मुस्कानला प्रेरणा म्राङ्जि । 
विपी, पुष्पलालला प्रशसा स्यो म्राङ्जि । 
पारिजात थेन झमककुमारीला 
ब्रितामरि 
डेन थेन संघर्षरि गिक्खे ताबा म्राङ्जि । 
थे
ग्युइ, त्याग, संघर्षला ज्योमोगाङ मेबा आरे । 
लिच्छारि ब्रिला, 
फाइला तरबार ङेबारि देबाः आरे । 
तासाइनोन
दोङराप बिला– असंभव तिगाइ आरे । 
एदा ज्याबाम्हान्बा !

(छिगला अर्थः स्यो– पत्र, निसाल– जवाफ, ब्रेबा– उपहास, ल्हुबा– पोख्नु, छ्योकु– पूजा, डुब्बा– लिन हुनु, ब्रिताम– लेख, ज्योमोगाङ– हिमाल, देबाः– सजिलो)

दोःबा : यकिना अगाध