च्यागोले दोसिन बर्खा हाजि
दिनितेन खासु लाबा क्लाङ्जि
पिङगाइ ह्रि वानसे ह्वाइ तिजि
ह्रि कावाला चाङ्बा काइ ग्याम ह्वाइ ह्राम्जि
थेतासि ह्राङ्ला डान्बासे न्हा चाबा न्हा म्हेर्बा ताना लाजि ।
ए लाबा, ए खासु गाङ क्याम्साङ बोर्गो ङादाइनोन
ङाला म्हिला डान्बाला सेम्ला दरबाररि
ल्हानान ला ह्यान्दे लासि चिबा मधेसदा माहाभारतसे हापख्वाइजि
स्योला होइसेरला दिनिसे हरिहरपुरगढिदा चेगाइसे ह्राक डुइजि
झिलिङलिङ्बा नाङ्सालसे तराइला नाम्सा ह्याल ताजि
थेतासि ह्राङ्ला ल्हानान डान्बा हाजि ।
बेथान चोकला नाराणथानदा
चाङछार्दा ह्राङ खसुले हापख्वाइजि
खानीस्योङला गाङ ज्युुम नेजि
राइगाउसे झ्याङ तोर च्याजि
ङादाइनोन ह्राङ्ला औदिन डान्बा हाजि ।
च्यागोले दोसिन म्हाबारदा खासुसे रिल तुम्जि
मुल स्योङ स्याँ बिसि ङ्हाजि, ङ्हाज्याङ ताजि
काइ ल्हेबान निजि, नाम्सा दिम दुर्जि
थेतासि एलान डान्बा हासि चु सेम ङाला क्राजि ।
ताराखसे ल्हा, कुरिसि चिजि
ब्रासि निबा कादे ल्हेसि निजि
छे सोतोर थाबा गाङ थोला ब्ले डुइसे बोर्जि
थेतासि ह्राङ्ला डान्बासे क्राना लाजि ।
स्योङ कुनिला जाजुबा दिम ल्हेबान मुला
स्योङ ङ्हाज्याङ दोजि
कोगजोर स्योङ बागमतीतेन ह्रो स्होसि डिक्सि
ङेबान, ताङ्बान मधेसरि क्यार छ्यामामा निजि
म्लाङ खसु रामेछापला गाङ गाङरि फ्याङ्जि
थेतासि ह्राङ्ला ल्हानान डान्बा हाजि ।
माहाभारत गाउँपालिका–२ रज्जेडाँडा माबार, काभ्रेपलान्चोक ।
तपाईको प्रतिक्रिया दिनुहोस