ह्याङ रेमरेम कोल्जि
सुध्रप तातोबा दुइरि सुध्रप आतानि
थेनोन स्याकानरि भोट युजि
थेनोन गिलासनाङ आइराकला भररि भोट युजि
तासाइ थे न्होर थेला आरेमुबा
थेनोन पार्टीदा थेनोन म्हिदा
डाना लाचिजि ।
पुस्ता पोजि पार्टी पोआखाम्नि
केवा निजिन्जि सोंचाइ आपोनि
रेमरेम ख्योलचिजि
ए ङा ग्याम माफ ताला ताला
तासाइ,
दोङरापसे दारे माफ पिन्सेला आरे
दारेम नेपालीसे साइ फानोन तोला ।
ओहोइ ! नेपाली ह्युल्बा
एन्छे भोट पिन्सि ग्रेनस्होबा साँढे म्हे
फिग्याप ह्युल्पासे दानाक्युइ ख्वासि डुइग्याम ब्लिङ्जि
दारे रामराम बिबा बिमा तिगाइ आरे ।
न्होरपा लिरि ह्युल टाट पल्टप ताजिन्जि
सामाजिक लिरि ह्युल टाट पल्टप ताजिन्जि
ग्यालठिपा लिरि ह्युल टाट पल्टप ताजिन्जि
ह्रिक्बा लिरि ह्युल टाट पल्टप ताजिन्जि ।
चीन, भारत थेन अमेरिकासे
तावारसे नाम्युङ क्लाङ्सि सेबाह्राङ
बोडक्ना लासि सेबाकेन मुला ।
साम्राज्यवाद ह्युल ह्राङ्सेन स्होबा
सिरियाला दातेला राष्ट्रपति जुलानीला
थोबोरि बम छेप्बा मुला
लोन्पो सेबा मुला
थेतासि ग्लेठिमरि नाफा थेन नोक्सान च्याला
ह्रो स्थायी आरे
शत्रु स्थायी आरे ।
ओस्सोन ख्वाबा आरे
ओस्सोन दोना लाबा आरे
सत्तारि
ओस्सोन स्होबा आरे
बाङ्मुबा
इराकला सद्दाम हुसेन
लिबियाला कर्णेल गद्दाफी
तालिवानला नेता ओसाविन लादेनला ह्राङ्बा हालत स्होबाकेन मुला ।
एसे लाबा ख्योल्बासे
तोङ्जाछा दिङ्दोना नोन नातोला ।
एसे लाबा ख्योल्बासे
ह्युल्ला मिन फ्यासेला ताजि
एसे लाबा ख्योल्बासे
ह्युल्बासे सास्ती नातोबान ताजि ।
चु देन्बा ताम–
ह्याङसे फिरग्याप ह्युल्पाला साग्यालठिपा क्लाङ आगोनि
ह्युल्बादा सातान लुसि
सत्ता, कुर्सी थेन सरकारला प्राथमिकतारि बाङ पिन्बा नतिजा हिन्ना ।
ए क्रासि
क्रिङ्सि
काङ चुङ्सि
माफी ह्रिसि
दारे ङ्यान्सेला आरे
ह्युल संकटला घडीरि मुला
दारे साइ फानोन तोला ।
(छिगला अर्थः न्होर– पैसा, न्होरपा– आर्थिक, ग्यालठिपा– राजनीतिक, ह्रिक्बा– नैतिक, बोडक्ना– तडपाएर, ग्लेठिम– राजनीति, ख्योल्बा– गल्ती, नाबा– भोग्नु)
दोःबा : यकिना अगाध
सम्बन्धित खवर
तपाईको प्रतिक्रिया दिनुहोस