कोला !
एदा
केबा दुइला
स्हेर छिङ्गाइ नोन मुला
एला सोना–छार्ना लामा
नाबा स्हु स्हेर म्लेबा आरे ।
कोला !
ङाइ आत्मा फुल्सि
छार्ना लाबा हिन्ना
एदा ।
ङा सिगाइ
एदा तिगाइ
आतागाइ बिबान
कोन्ज्योसोमतेन
मोलाम लाबान
छार्ना लाबा हिन्ना
कोला एदा ।
एदा गोरि
पुइमा आस्हुबा
कु तिनि फ्रेबा मुला
प्राकप्राक फ्रेबा मुला
एदा यारि
चुङ्सि लोप्खाङदोना
सानिबा डान्बासे ।
तिङ्ला दार्बा ल्हेबा मुला
खाल्दा उन्से ङाइ चुरि
ह्राङ्ला तिङ प्राकथिबा
खाल्दा उन्से ङाइ चुरि
तिङ छ्याकछ्याक ताबा
बोल्बा मुला ।
कोला !
एला बियोगरि ।
तिनि ङाला कुनोन
थानथान ताना लासि खानाङ कोर्बाकेन
मुसिम
खानाङ स्याप्से
खानाङ म्राङ्से ।
बोल्बा सेमदा
खाराङ्लासि गोना लासे ङाइ, चुरि
एला बियोगरि बोल्बा ।
कोला !
न्हा ङ्हुबा मुला
न्हा ख्रेन्बा मुला
चु खाराङ्बा बिडम्बना
एसे ङा सिमा
तेन्तोबा बाम
कागक्रिया लातोबा
ङा कादे थोप्साङ आरेबा
आमाचिम ।
कोला !
गिक्खे विकल्प
ह्युलला लागि बुला
आहुति पिन्जि
ह्युलला लागि बलि क्रेजि
चु आमाग्याम
सलाम मुला
सलाम मुला ।
डि.टि. दार्जिलिङ भारत
(छिगदोनः थोप्साङ– भाग्य, बु– प्राण)
दोःबा : यकिना अगाध
तपाईको प्रतिक्रिया दिनुहोस