आपा ङा खानाङ निसे ? 
निबाम खाजिबाइ ग्लानोन आरे
च्योसि ताला व्हा फल छेप्सि ताला
सिबा बिमा स्यान्दो विकल्प आचिनि ।

खाल्ला केबासे हिन्ना खाइ चुह्राङ ताजि
ङाला केवा क्यार्सेजासे क्यासि ब्राबा तारिला ह्राङ ताजि
तिनि खासि ङाला केवा व्हाबा दोङह्राङ सस्तो ताजि ।

ङा जाजा मुमा ह्याङ्ला दिम मुबा व्हारि मुबा
ङाइ फ्यासे कसिङ्गार ब्याङ्बा फेबा गाटा वान मुबा
म्हे, रा, नाकाला नोन ह्राङ्ह्राङ्ला गोठे ब्राङ मुबा 
व्हारिरि डाब, करिलो, आलु ताजा ताजा खु मुबा ।

आतोमा नोन आतोबा स्वाङ उन्बारि
नाम्सा, नाम्सबारि न्होरवाला दोसि घमण्ड उन्बारि
आपा एसेम म्हारला फुम फिन्बा हाङ्स चुङ्चिम
ङाला लिउ चुङ्सि ह्राङ्दा दातेला दुइगा थिग्युन लाचिम ।

ङाइ म्हान्मुबा आपासे खाजिबाइ ख्योल्बा आला बिसि
लिउरि ङादा चुह्राङ्बा आडुप्बा ताला बिसि
तासाइ स्यान्दोदा जग्गा चुङ्सि ग्रेन ख्योल्जि
मोजमस्तीरि थे न्होरजुगु मुतेबा थुम्ना लाजि ।

दारे चुङ्माहेन्से ह्राङ्ला जग्गामि आचिनि आचिनि
घमण्डसे लामा न्होर नोन ह्रेच्छाकरिन थुम्ना लाजि
तिलादाम्मान तासाइ नोन एसेम केवा थाल्ना लाजि
खाराङ्लासि पाङ्से एला कोला छुयुसे कादे स्हु याङ्जि ।

आपा ङा खानाङ निसे ? 
निबाम खाजिबाइ ग्लानोन आरे
च्योसि ताला व्हा फल छेप्सि ताला
सिबा बिमा स्यान्दो विकल्प आचिनि ।

कालु बस्ती सुनदह, भारत ।

दोःबा : यकिना अगाध