दारे खि कारि किन्तोला
चेतनारि किन्तोला
ह्राङ्ला थोप्साङदा पाले पिन्सि आहिन
अन्यायदा ख्राङ्सि किन्तोला ।
एन्छे सत्तारि चिसिमाम
ङान्दा ख्रेन्बा, अपमान थेन लोङ्बा पिन्जि
ङान्छे दारे एन्दा
ङ्योइबा, प्रतिरोध थेन प्रतिकार पिन्सेला मुला ।
खि
हतियारतेन जेक्खे आता,
खि
लोङ्बा ह्यार्ना लाबा साहास हिन्ना ।
खाइमा ग्याल्सा राज्य अपराधी दोला,
खि
बाङ दोसिमाम पाङ्ला
खाइमा कानुन अन्याय दोला
खि
विद्रोह दोसि रेला ।
ङानि मे हिन्ना–
ख्राङ्बारि जेक्खे आहिन
ह्याल चम्काप लाबारि ।
ङानि खि हिन्ना–
पुडिनुब्ना लाबारि जेक्खे आहिन
छार जाम्बुलिङ स्हेङ्ना लाबारि हिन्ना ।
खि किन्तोबा मुला
हिन्ना,
तासाइ म्हि दोबा खि
न्याय पिन्बा खि
दोङराप पोबा खि
छार डिछ्याला खि ।
२०८२/०९/०९ गते, पौराई ।
(छिगकि दोनः खि– बदला, थोप्साङ– भाग्य, पाले– दोष, ग्याल्सा– राज्य, पुडिनुब्ना– सर्वनाश, डिछ्या– व्यवस्था)
दोःबा : यकिना अगाध
तपाईको प्रतिक्रिया दिनुहोस