ह्रि न्हाङरि पोरोवा, म्रावाई स्यामा
ह्रो म्हेन्दो, पाडा म्हेन्दो च्यागोले ङेबा
ज्योमो गाङरि आमादिनि फेमा
गाङ–गाङ थुम–थुम च्यागोले पेबा !!
ह्याङ्ला ह्युल्सा ह्याङ्ला नाम्सा
ह्युल ह्याङ्ला ह्याङ्ला आमा
ज्योज्योआले नानाआङा ताङ्बा कादे
सोनाम ल्होछार ङाम ङाम खामा !!
म्रावाई स्यावा ह्याङ्ला ह्युल्सा
साङ्गे च्योमदेन चुरिन केजिम
ह्याङ्लान तामाङ गोइलो क्वान्मा
च्यागोले उर्साङ, ग्याल्मो ह्राङ जेजिम !!
स्याबा कोबाजे थालाउ दारेम
छ्योइ डोतोला ह्याङ्से ग्योइ लोप्तोला
न्हाङ्गार निसि ङ्हाज्याङ म्हि दोसि
लानि थुर्तोला दारेम दिनि थुर्तोला !!!
तपाईको प्रतिक्रिया दिनुहोस