दुङाल नासि ला कु कुरि थान्बा ङाला आमा
हान्दामा दोसाइ ङा कोलादान डान्बा ङाला आमा ।
ह्राङ्ला गोरि छ्युन छ्युन्बा क्वान क्वान्सिमाम
ङादा छार भोटो डुप्सि क्वानपिन्बा ङाला आमा ।
मुबान हिन्साम ला लु कादे चु जाम्बुलिङरि
जेक्खेन ह्राङ्नोन ला हिन्ना म्हान्बा ङाला आमा ।
सेमरि सुर्ता ङालान लाला ख्रेन्ना फुइला बिसि
निन्द्रा गुङरिन ङाइ क्रामा सान्बा ङाला आमा ।
खुइ दोबा दुइरि ङा साहारा श्रवण कुमार ह्राङ
तागाइ सुङ्सि ङा थोरि म्हाङ रान्बा ङाला आमा ।
तपाईको प्रतिक्रिया दिनुहोस