केवा नोन ओस्बान ताबा मुला
माइतीघर थेन बानेश्वरला सडक ह्राङ्बा । 
खाइमा हुलगि अभावकादे
ल्होलो ह्रोसि आन्दोलन लाबारि खाला । 
खाइमाल ल्होलो रहरकादे 
ल्होलो ल्होलो ह्रिबा म्हाइसि आन्दोलन लाला । 
ङा ह्राङ्लान इच्छासे ङ्हाच्छा वाङ्बारि म्हाइला
खाइमा दिमला समस्या ओम बाध्यताकादे
ब्राबा ग्यालामला ङ्हाच्छा खासि अनसन चिपिन्ना । 
आनन्दसे म्हेर्बारि म्हाइला
थेला डान्बाकादे ल्होलो पालेरि आन्दोलन लाबारि खाला । 
आइराकला फोहोरा छेप्सिकेन
चुरोटला अश्रुग्याससे छेप्सिकेन
ङाइ बाङ्लासि काबारि म्हाइला थेला डान्बाजुगुदा
ओइमा ग्लेवादीला आन्दोलनह्राङ उग्र तासि
खाइमा चु तिङरि मे दिपिन्ना
खाइमा सेम ख्राङ्पिन्ना
केवा नोन ओस्बान तासि
माइतीघर थेन बानेश्वरला सडक ह्राङ्बा । 
(छिगला अर्थः केवा– जिन्दगी, पाले– बहाना)

दोःबा : यकिना अगाध