खान्दामान अशान्तिला मे ब्लाबब्लक लुङ्बा मुला
खाजिबाइ ह्युल आथुर्बा आरे
खाजिबाइ शहर आथुर्बा आरे
खाजिबाइ दिम आथुर्बा आरे
मोक्कोनला सेमसेमरि मेला डुडुइ ल्हागाब ताबा मुला ।
तिगा पाङ्से ?
तिगा लासे, तिगा आलासे ?
तिगा बिसे, तिगा आबिसे ?
तिगा व्यवहार लासे, आलासे ?
मुतेबा म्लेजि, म्हाना लाजि ।
तिनि ह्याङ स्यान्दोला ग्योइ पाङ्ला
स्यान्दोला धर्म तेन्ना ।
स्यान्दोला रिमठिम लोप्ला
ह्याङ सिजिन्जि
सिबा म्हिला तिगा अर्थ ?
छोन्बो ताबाला अर्थ आरे ।
ह्याङ अमेरिकादा स्वर्ग म्राङ्ला
क्यानाडादा स्वर्ग म्राङ्ला
बेलायतदा स्वर्ग म्राङ्ला
जापानदा स्वर्ग म्राङ्ला
प्रकृतिसे पिन्बा चु जेबा ह्युल
छारिब्योनला लागि मरुभुमि दोजि
दारे ह्याङ्ला अस्तित्व तिगा ?
दारे ङोसेबा तिगा ?
ह्याङ ता दोजि ।
लगाम स्यान्दोसे चुङ्जि
ह्याङ छ्योङ्चिबा मुला
ल्हाम थाहा आरे
खाइमादोना छ्योङ्चिसे
ह्युल बर्बाद ताजि ।
दोःबा : यकिना अगाध
तपाईको प्रतिक्रिया दिनुहोस