स्यान्दोदा पाले लासि खाइमाइ देन्बा शान्ति आयाङ
सातान स्यान्दोदा पाले लाबा म्हि
सातान स्यान्दोला कमीकमजोरी च्याबा म्हि
स्यान्दोला प्रगति म्राङ्सि क्रोला
खाइमाइ न्हा सफल ताला
न्हा ओम देन्बा ताङ्बाला अनुभव लाम्याङ्ला ।
थेह्राङ्बा म्हिसे सातान बिला–
‘ङा जेक्खे ज्याबा स्यान्दो आज्याबा !’
तासाइ देन्बा तिगा हिन्ना बिसाम–
खाल्छे ह्राङ्ला ख्योल्बा स्वीकार लाआखाम
थेसे केवा खाइमाइ सुधार लाबारि आखाम ।
थेनिकादे माङ्ग्यार ङेबा बाङ लाला
सजप तासि ताङ्चिबा म्राङ्ला–
तासाइ न्हाङन्हाङरि थेला सेम
आउदिन तनावग्रस्त, निराशा थेन गिक्खे ताला ।
खालाइला आलोचना लासि
खालाइला प्रगति काबा कोशिस लासि
ह्राङ्ला केवा खाइमाइ ङ्हाच्छा आवाङ
तिल्दाबिसाम–
देन्बा शान्ति न्हाङग्याम खाला
सुधार नोन न्हाङग्याम तिला ।
स्यान्दोला आलोचना लाबाला बो
ह्राङ्ला आत्मा ऐनारि च्याबा सहास लाइ ।
थेग्याम्सेन तिला–
देन्बा ताङ्बा, देन्बा सफलता ओम देन्बा ल्हुइथाङ ।
(छिगला अर्थः पाले– दोष, देन्बा– सत्य, केवा– जीवन, ल्हुइथाङ– स्वास्थ्य)
दोःबा : यकिना अगाध
तपाईको प्रतिक्रिया दिनुहोस