ओइ–
भारत– पाकिस्तान !
हिन्दु थेन मुस्लिम बिमा
ग्रेन
मानवताला मु हिन्ना ।
धर्म र जातला
मेरि
ह्युल्बाला थोबो ख्राङ्सि
भोज थाचाउ ।
बमगोला आहिन
नाबा थेन डिक्बाला
नार्कापाङ सुगे ।
दिल्लीसे
दुर्योधनला जिद्दी डोतोला ।
इस्लामवादसे
अल्लाहा बिमा बुला
साइ डान्तोला ।
संयुक्त राष्ट्रसंघ
एला
तिङरि स्हेरला होन ब्योङ्तोला ।
सार्क ह्युलकादे
एला
मिसे गिद्धला परेड आहिन !
परेवासे
भजन कोबा म्राङ्तोला ।
नेपालसे
ज्योमोलोङ्माला जोरि
बुद्धला
शान्तिला पाठ डोगे ।
भारत थेन पाकिस्तानदा
शान्तिला होङ्से छोर्ना लातोला ।
(छिगला अर्थः नाबा– सहिष्णु, डिक्बा– मेलमिलाप, बु– प्राण, स्हेर– वेदना, होन– भल, होङ– ध्वनि)
दोःबा : यकिना अगाध
तपाईको प्रतिक्रिया दिनुहोस