तिक्खुरि
पिङ मु क्लेसि
फ्याङ्बा मुबा थे जहाज
खालाइसे म्हान्बा आरेमुबा–
चु लिच्छाला ल्हाम तासेला मुला तिनि । 
चाङला यारि म्हेन्दी मुबा
म्हाङ स्याम्सि खाबा मुबा ।
ङामरि आपा ज्युमङेचिमुबा–
‘ङ्हाच्छारेम फ्याङ्बाकेन मुला’
बिबाकेन मुबा स्यान्दोदा !
तासाइ मुला गुङरि
म्हाङ प्लेन ताजि
ल्हानाला तिङ ग्लागिरि
क्रिङ्बाक्राबारि लोङ्जि !
सामानकादे ताइजि
तासाइ म्हिकादे दोसिआखानि । 
मनिषासे फोन लाचिजि
तासाइ निसाल आदोनि । 
दाते नोन थे स्क्रिनरि 
याखारगि आमाला मि थोम ताचिमुला 
‘खाला बिमुबाले बबु...’
तासाइ निसाल कुटिसि चिमुला । 
बु काला 
तासाइ आशा सेबारि आखाम ।
केवा मुला...
तासाइ खाइमागि सोबारि गाह्रो मुला । 
याखारगि झिल्को मुबा थे–
थेसे मुतेबा मु वाला स्होजि । 
म्हिकादे क्रोचिजि...
म्हाङकादे मेफ्रारि फ्याङ्जि । 
ओइ दुइ !
तिल्दा चुह्राङ्बा कठोर मुला ए ? 
तिल्दा खालाइदा अनुमति आकिन्ना
नुप्बा निर्णय किन्ना ? 
शान्ति पिन्गो...
थे आत्माकादेदा
ओम बाङ पिन्गो...
मिख्लिजुगुरि ब्लुम चिबा तिङजुगुदा । 
मिरिक,दार्जीलिङ 
१२ जून २०२५

(छिगला अर्थः तिक्खुरि– अचानक÷एकाएक, ल्हाम– यात्रा, स्याम्सि– सजाएर, प्लेन– टुक्रा, निसाल– उत्तर, नुप्बा– अस्ताउनु)