ह्राङ्ला खानदान थेन शान नोना थान्बारि 
रेरि स्होबा
भ्रमला तासोर थेन हान टुक्काजुगु
दोसि थेनोन टुक्का नोन म्हुनरि लिलाम ताबा खाराङ्बा ? 
ह्राङ्लान प्रतिपक्षजुगुरि
बजार, चोक थेन गल्लीजुगुरि
थेनोन खेबाः चिया छोङ्खानरि
धोकाला सिद्धान्तला हस्तीजुगु
स्वार्थला सेम थोसि
बागमतीला नाइबा बो तेबान,
चाङ्मा सेम मुबा इमानदारीजुगु
कादे कर्मठ थेन निर्दय ।

कल्पनारि ङाला
चु मुतेबा मुतेबा पराकाष्टदा थुम्ना लासि
दाङ्बोला वियोग नुप्ना लाबा हस्ती
तिर्याम पोसाम,
अन्याय थेन अत्यचार लिब्रो
कुर नोन आकुरबा थोबोसे
ज्याबा ठिम कानुनला आदेश पिन्सि
थे मि आम्राङ्बा महलरि चिसि
सत्ता थेन बाङ्ला डेन्बारि
डुङ्बा कोठा ग्याम ह्युुल चलप लाबा 
बेकुफजुगुला आश्रय ग्लादा
खेप्पाखुयु, खजा थेन सहारा आरेबाजुगुला
आश्रय ग्ला स्होमा
कादे ताङ्सेला सेम ओम थोप्साङ । 
सन् २०२२–०४–२८

दोःबा : यकिना अगाध