खाजिबा म्हेन्दोला बयान आलानि ताला ओम ङाइ
खाजिबा बाला डेन आलानि ताला ओम ङाइ
खाजिबा झरना स्योङ गान्दितेन आब्योङ्नि ताला ङाइ
खाल्ला स्हुरि आक्रानि ताला ओम ङाइ
खाल्ला स्हेर आदेब्नि ताला ओम ङाइ
म्राङ्बा, थेबा मुतेबातेन खाल्दाका
ङेङ्गोर आडान्नि ताला ङाइ
लाबा, क्युइ, दिनि, लानि ओसेम साप्रा थेन साजाम्बुलिङ
खाइमाका ह्रो आस्होनि ताला ओम ङाइ
चेगाइ वाहा ! थे चेगाइ
साङ्बा चेगाइ
केबारिन थुइबा चेगाइ चाङ्मा चेगाइ
तिगा हिन्बान अनमोला आरेमुबा ओम ?
ङा केबा साप्रा, ग्याम, ब्राबा ग्यालाम
कोर्बा ह्रि, चौबाटो
तासाइ नोन खाइ खाजिबा दोबाटोरि फेजि
ओम, गिक्खे ताजि पत्तो आयाङ्नि ङाइ
जेक्खे गिक्खे ! जेक्खे गिक्खे
क्याक्टस ह्राङ्बा ! ङा गिक्खे ताजि ।
दोःबा : यकिना अगाध
तपाईको प्रतिक्रिया दिनुहोस