ए ङादा डामकेनला उदिक दाङकादे पिनो
ङा एदा आखाम्बा गिक प्राङ्बोला दुङाल सुङ्ला ।
ङा एदा ब्राङ गिक क्रोबाला लुकासप पाङ्ला
ए दाख्यानाङ ल्हुइकादेदा दाङरि राप्गो
ङा एला डामकेनछ्याम व्हाइ गिक देप्ला ।
दुङालकादेला देप्पा–पिन्बारि मिख्लि ग्युर्मुला
एनो क्राला ङानो क्राला
दामाम मिख्लि म्हिला काल्पा आहिन
मिख्लिम इस्पान क्युइ हिन्ना थे मेरि पोखाम्ला
दाख्याम इस्पान मिङगु हिन्ना थे मेदिबारि पोखाम्ला ।
ए ङादा दारेम चु दुङालकादेला दोक्नो दाङ पिनो
ङा चु दुङालकादेता तिनिला दोक्नो व्हाइदुगुरि पोला
ङा चु व्हाइदुगुदा प्रतिशोधला मेग्रोरि पोला ।
ए ङादा सेम न्युल्बा झेन दाङ पिनो
ङा एदा काइरन पोबा व्हाइ पिन्ला
ए ङादा राङला डामकेनला उदिक दाङकादे पिनो
ङा एदा पोबाला काइरानरि देप्ला ।
दोःबा : प्रदीप ब्लोन
डुवर्स, पश्चिम बंगाल, भारत ।
तपाईको प्रतिक्रिया दिनुहोस