न्हानरि ढाक्रेसे दोइ न्हासि
हुइ पुइबारि ख्लाबा ल्हानान ताजि । 
‘शान्ति सेनाग्याम दोसि खाबा लाहुरेसे
जापानी टेपरेकर्डर होङ्ना लासि
न्हानरि ब्लाप्बा न्हाबा’
दारेम स्वाराप दोजि ।

भारतग्याम म्हेनिङरि दिमरि दोचिबा
गेनामला हुलसे न्हानरि बास चिबारि ख्लाबा ल्हानान ताजि । 
ल्हाब्याँसी लामा किसानसे न्हानरि ब्लेक छ्याबारि 
ख्लाबा ल्हानान ताजि । 
म्हुना हुचिल थेन कुलुलुला सेम चोन निना लाबा व्हाइ आथेबा ल्हानान ताजि 
ग्यामरि ब्राबासे पाती थेन युङ्बा देउरालीरि फुल्बारि ख्लाबा ल्हानान ताजि ।

युगसे फाल छेप्जि, छार पुस्ता केजि
संघीय गणतन्त्र छार्सि ल्हाउल्हाउ ताजि । 
सेवा, सुविधा थेन विकास नाम्सा नाम्सारि दोजि । 
दोप ह्यर्सिकेन उ न्हाङरि लाजि 
ह्यालसे साजाम्बुलिङ होइस्हेरछ्युप दोजि ।

ए बिसाम दातेइ
‘न्हानरि ग्ले स्याप्जि
न्हानरि ग्लेस्या स्याप्जि ।’
गिलिच्छा स्यान्दो थामथोमला
प्रयोग आरेबा ताइबा बाला राग ङाबान
‘गणतन्त्रदा क्रेप्ला रो ?’

धिक्कार मुला पाराङ !
म्हेर्बाग्याम छोर्गो
युगला व्हाइ कोबारि लोप्गो
ताइबा बा डान्सि कु छेप्सि छेप्सि ग्वाँ ग्वाँ क्राबारि ख्लागो । 
चैत्र २६ गते २०८१ दिङ

दोःबा : यकिना अगाध