याम्बु १ गोने । याम्बुला नागार्जुन नगरपालिका वडा नं. ३ ला धार्मिक, सांस्कृतिक ऐतिहासिक महत्वला इचङ्गुनारायण लाथानला पुनर्निर्माणला गे जिन्बा मुला ।
बि.सं. २०७२ दिङ्ला साङ्गुलग्याम क्षतिग्रस्त ताबा लाथानला बागमती प्रदेश सरकारला योजना आन्सार नागार्जुन नगरपालिका थेन काठमाडौं महानगरपालिकाला लागत साझेदारीरि पुनर्निर्माण लाबा हिन्ना ।
साङ्गुलसे लाथानला श्रीगणेश बिले महालक्ष्मी द्यःछें लादिम न्होङ्ना लाबा मुबा । पुनर्निर्माण इचङ्गुनारायण लाथान थेन श्रीगणेश (महालक्ष्मी द्यःछें) लादिमला बागमती प्रदेशला कार्यवाहक मुख्यलोन्पो ओसेम कृषि थेन पशुपक्षि फेल्गेबा लोन्पो प्रकाश श्रेष्ठसे नारे ठ्वाङ्सेन लाजि ।
गेताङरि लोन्पो प्रकाश श्रेष्ठसे नागार्जुन नगरपालिकादा धार्मिक पर्यटकीय दोखाङ्ला लिरि फेल्गेबा लासेला पाङ्जि । थेसे इचङ्गुनारायण लाथानला धार्मिक थेन ऐतिहासिक महत्वफिरि व्याख्या लाबा मुबा । थेसे फेल्गेबा स्हेङ्बा गेरि खाजिबाइ आग्रह पुर्वाग्रह आथान्सेला ग्रान पिन्जि ।
(छिगला अर्थः गोने– साउन, लाथान– मन्दिर, नारे– बिहीबार, फेल्गेबा– विकास, ग्रान– प्रतिबद्धता)
तपाईको प्रतिक्रिया दिनुहोस