नेपाल तामाङ घेदुङ, घ्याङलेख, गाउँपालिका कार्यसमितिसे माघ १५ कुनु सोनाम ल्होछारला दुइसाङरि सांस्कृतिक गेताङला छ्याम ज्याबाम्हान्बा किन्बापिन्बा गेताङ स्होबा मुला ।

गेताङ पेमा ह्वाइबरलिङ गुम्बा, चन्दनपुररि स्ह्योला १० ङ्ह्यामाहेन्से तासेला मुला । गेताङ बागमती प्रदेशसभा ह्रोम्हि क्षेत्रबहादुर बोम्जनला ग्रेनडेन्बो, घ्याङलेख गाउँपालिकाला चोहो जगतबहादुर भोलनला विशिष्ट डोन्बो थेन ह्रोचोहो शंकरमान घलानला विशिष्ट डोन्बोरि तासेला मुला ।

गेताङरि काइपाजुगु कोशिश थोकर, प्रकाश वाईबा, संजय थोकर, अनिल थोकरसे व्हाइ कोसेला मुला बिसाम कला संगीत प्रशिक्षक नबिन वाईबा थेन मोडल टिकाराज तामाङसे प्रस्तुती उन्सेला मुला ।