‘राष्ट्रिय ललितकला प्रदर्शनी २०८२’ ड्वाफ्रे १५ हेन्से ३० गते दोना तासेला नेपाल ललितकला प्रज्ञा–प्रतिष्ठानसे तिनि स्योमि जोम्ना गेताङ स्हेङ्सि थासाङ पिन्बा मुला ।

प्रतिष्ठानला ह्रोम्हिगाउराइ देवेन्द्रकुमार काफ्ले ‘थुम्केली’ ला आन्सार चुपाल्से ५७१ खाइबाला ६०६ कलाकृति उन्सेला मुला । चु न्हाङरि कोसी प्रदेशग्याम ८२ खाइबाला ८२, मधेस प्रदेशग्याम ८८ खाइबाला ९८, बागमती प्रदेशग्याम १६४ खाइबाला १८३, गण्डकी प्रदेशग्याम ५३ खाइबाला ५५, लुम्बिनी प्रदेशग्याम ६५ खाइबाला ६६, कर्णाली प्रदेशग्याम ४० खाइबाला ४१, सुदूरपश्चिम प्रदेशग्याम ३९ खाइबाला ३९ कलाकृति लासि ५३१ खाइबाला ५६४ कलाकृति उन्सेला मुला । प्रदर्शनिरि अप्रतियोगी न्हाङरि ४५ थेन आमन्त्रित ३३ लासि ७८ खाइबाला ७९ कलाकृति नोन थान्सेला थासाङ पिन्बा मुला ।

विधागत लिरि समसामयिक चित्रकला २०८, परम्परागत चित्रकला ७३, समसामयिक÷आधुनिक मूर्तिकला ५२, परम्परागत मूर्तिकला १८, वास्तुकला थेन लोककला ८८, शिल्प–हस्तकला ७९, बहुआयामिक तथा स्ह्यान सिर्जनात्मक कलाअन्तर्गत छविकला ५९, प्रतिस्थापन कला ९, कार्टुन १४, क्यारिकेचर ३, डिजिटल १, भावभङ्गी कला २ कलाकृति उन्सेला मुला ।

थेराङनोनलासि चु दिङरि ‘अरनिको ललितकला राष्ट्रिय प्रज्ञा डेन’ अग्रज खाइबाजुगु डा. सीमा शर्मा शाह थेन मङ्गल लामादा पिन्सेला मुला । १ लाख ५० हजार न्होरला छ्याम डेन स्योग्याम डेन लासेला मुला । राष्ट्रिय ललितकला ब्रिबा पुरस्कार सरोज बज्राचार्य, राष्ट्रिय ललितकला स्योनाम पुरस्कार ताङ्से गोरखापत्र रेदाङ्सेला थेन नेपाल टेलिभिजनला शिवा तामाङ ओसेम हेमन्त गौतमदा पिन्सेला मुला । चु पुरस्काररि ६० हजार न्होर थेन डेन स्यो तासेला मुला । ललितकला स्योनाम पुरस्काररि ३०/३० हजार न्होर थेन डेन स्यो तासेला मुला ।

सर्वोत्कृष्ट राष्ट्रिय ललितकला पुरस्कार विनम्र डङ्गोल (परम्परागत चित्रकला) दा पिन्सेला मुला । चु पुरस्काररि १ लाख न्होर थेन डेन स्यो तासेला मुला ।

राष्ट्रिय ललितकला पुरस्कार समसामयिक चित्रकला होना कृष्ण लामा, समसामयिक/आधुनिक मूर्तिकलाहोना चन्द्रमणि मगर, परम्परागत चित्रकलाहोना  शंकरकुमार जोशी, परम्परागत मूर्तिकलाहोना सुरेश लवट तुलाधर, शिल्प–हस्तकलाहोना राजकुमार शिल्पकार, वास्तुकला थेन लोककलाहोना ज्योतिकुमारी सापकोटा, बहुआयामिक थेन स्ह्यान सिर्जनात्मक कला न्हाङरि फोटोग्राफीहोना  सफल प्रकाश श्रेष्ठदा पिन्सेला मुला । चु पुरस्कार ६० हजार न्होर थेन डेन स्यो तासेला मुला ।

थेराङनोन लासि राष्ट्रिय ललितकला नवप्रतिभा पुरस्कार भीमबहादुर बिकदा ६० हजार न्होरला छ्याम डेनस्यो पिन्सेला मुला । प्रादेशिक ललितकला नवप्रतिभा पुरस्कार कोसीग्याम भावना गुरुङ, मधेसग्याम निरुपम जयसवाल, बाग्मतीग्याम सुप्रिना ग्लान, गण्डकीग्याम धावा दोर्जे गुरुङ, लुम्बिनीग्याम रुकैया वानु, सुदूरपश्चिमग्याम निशान्त सुनारदा ३० हजार न्होरला छ्याम डेन स्योसे डेन लासेला मुला ।

प्रादेशिक उत्कृष्ट ललितकला पुरस्कार ताङ्से कोसीग्याम ङावाङ छिरि शेर्पा (परम्परागत चित्रकला), मधेसग्याम सोनाम सिंह ब्लोन (हस्तकला) बागमतीग्याम रीना शाक्य (परम्परागत चित्रकला), गण्डकीग्याम दलबहादुर गुरुङ (समसामयिक चित्रकला), लुम्बिनीग्याम लिलाधर केसी (समसामयिक चित्रकला), कर्णालीग्याम कुमारी सिता मल्ल (समसामयिक चित्रकला), सुदूरपश्चिमग्याम रमेश कडायत (समसामयिक चित्रकला) दा ५० हजार न्होरलाछ्याम डेन स्योसे डेन लासेला मुला ।

थेराङनोनलासि, प्रादेशिक ललितकला पुरस्कार समसामयिक चित्रकला विधाहोना  कोसीग्याम महेन्द्र राई, मधेसग्याम युगेश घिमिरे, बाग्मतीग्याम सुन्दर लामा, गण्डकीग्याम मनोज तामाङ, लुम्बिनीग्याम आकाश बुढा मगर, कर्णालीग्याम  थुक्तेन लामा, सुदूरपश्चिमग्याम दिपक आउजी, समसामयिक मूर्तिकलाहोना  कोसीग्याम सुमन राई, मधेसग्याम योगेन्द्र पण्डित कुम्हार, बागमतीग्याम करुणा श्रेष्ठ, गण्डकीग्याम रिहाना परियार, लुम्बिनीग्याम बुद्ध थारू, कर्णालीग्याम टोपेन्द्र डाँगी, सुदूरपश्चिमग्याम महेन्द्र पुन मगर, परम्परागत चित्रकला विधाहोना  कोसीग्याम दावा साङ्मु शेर्पा, मधेसग्याम सोनम सिंह ब्लोन, बागमतीग्याम रोशन ख्याजु, कर्णालीग्याम सोनाम डोल्मा तामाङ, परम्परागत मूर्तिकलाहोना कोसीग्याम प्रतिक मञ्जुल बराइली, बागमतीग्याम महेश शिल्पकार, शिल्प–हस्तकलाहोना  कोसीग्याम शिव छाङ्छा (शिवकुमार राई), मधेसग्याम सन्तोष यादव, बागमतीग्याम सरोज सुनार, गण्डकीग्याम विष्णु मुक्तान तामाङ, लुम्बिनीग्याम  बाल गोविन्द त्रिपाठी, कर्णालीग्याम शुर्प नारायण शाही, सुदूरपश्चिमग्याम लालबहादुर कुमाल, वास्तुकला तथा लोककलाहोना कोसीग्याम माधवी कर्ण, मधेसग्याम आरतीकुमारी साह, बागमतीग्याम युनेस नापित श्रेष्ठ (वास्तुकला), लुम्बिनीग्याम संचिता अग्रहरी, सुदूरपश्चिमग्याम मित्थु थारू, बहुआयामिक थेन स्ह्यान सिर्जनात्मक कला न्हाङरि प्रतिस्थापन कलारि बागमतीग्याम विनयबहादुर रिमाल क्षेत्री, कला फोटोग्राफीरि कोसीग्याम अर्जुन कुलुङ राई, मधेसग्याम प्रशान्त चौधरी, गण्डकीग्याम सृजना भुर्तेल, लुम्बिनीग्याम मनी राम पन्थ थेन सुदूरपश्चिमग्याम माधव ओझादा ३०/३० हजार न्होर थेन डेन स्योग्याम पुरस्कृत लासेला मुला ।

चु दिङला प्रतिष्ठानला उत्कृष्ट कर्मचारी डेनरि बिसाम धनबहादुर श्रेष्ठ थेन सिर्जना तामाङ राईदा पिन्सेला मुला ।
निबा दिङहेन्से तिबा ‘सहिद कलाकार अनिल लामा स्मृति–ललितकला) पुरस्कार २०८१’ खाइमो अस्मिना रञ्जित थेन ‘सहिद कलाकार बाबुराम लामा स्मृति (ललितकला) पुरस्कार २०८१’ गंगाधर सारुदा ५०/५० हजार न्होरग्याम डेन लासेला मुला ।

‘राष्ट्रिय ललितकला प्रदर्शनी २०८२’ ला क्योइका समितिरि डा. सीमा शर्मा शाह, राधेश्याम मूल्मी, उदयचरण श्रेष्ठ, पूर्णप्रसाद ह्योजु, ताराप्रसाद ओझा, रामनारायण महतो, प्रविण श्रेष्ठ, धर्मराज शाक्य, एरिना ताम्राकार, नवेन्द्र लिम्बू थेन प्रतिमा थकाली मुबा ।

स्योमि जोम्नारि प्रतिष्ठानला कुलपति नारदमणि हार्तम्छालीसे प्रदर्शनिछ्याम सोमछा दिङरि अनुसन्धानदा बाङ पिन्बान कलाकारला सर्वेक्षण थेन प्रोफाइल तयार लासेला सेमताम थान्बा मुबा । थेराङनोन उपकुलपति थेन प्रदर्शनीला गे–संयोजक लालकाजी लामासे प्रदर्शनीला तयारी लिच्छाला ताङरि दोबा ग्रा पिन्जि । ह्रोम्हिगाउराइ देवेन्द्रकुमार काफ्ले ‘थुम्केली’से चु दिङला प्रदर्शनिरि नेपालला सीमान्तकृत, च्याङ्ना सङ्ज्या (अल्पसंख्यक) ह्युल्बाहेन्से नुपदाम्बा (लोपोन्मुख) थेन प्रचलित ल्होलो विधाला कलाकृति ह्रुप्बा ताम थान्बा मुला । ठोङस्हेङ गेताङ ड्वाफ्रे १५ गते स्ह्योला ११ : ३० हेन्से नक्सालरि तासेला मुला ।