नुवाकोट । ककनी गाउँपालिकासे तिनिहेन्से तिबा एसईई परीक्षारि गाउँपालिका न्हाङ्ला लोप्बोनजुगुसे उच्चतम जिपिए बासाम १ लाखहेन्से १० हजार दोना पुरस्कार पिन्सेला घोषणा लाबा मुला ।

गाउँपालिका चोहो सुमन तामाङ (सज्जन) थेन ग्युइसेर (शिक्षा) अधिकृत पेमा दोर्जे थोकरसे जारी लाबा विज्ञप्तीरि ककनी गाउँपालिकाला ल्होलो केन्द्र ग्याम्से बोकिन्बा लोप्बोनजुगुदा चु पुरस्कार पिन्बा घोषणा लासि सफलताला ज्याबाम्हान्बा पिन्बा मुला ।

परीक्षारि ४ जिपिए बाबासे १ लाख, ३.९ हेन्से ४ जिपिए बाबासे ५० हजार, ३.८ हेन्से ३.९ जिपिए बाबासे २० हजार, ३.७ हेन्से ३.८ दोना बाबासे १५ हजार थेन ३.६ हेन्से ३.७ दोना बाबासे १० हजार रुपैयाँ न्होर पुरस्कार याङ्सेला मुला ।