नुवाकोट २० दुगु । पन्चकन्या गाउँपालिकाला ङ्योइसाङरि ताबा नुवाकोट जोङ पालिका न्हाङ्ला ब्लिछा चेयरम्यान कप ह्रेमकोला भलिबल प्रतियोगिता २०८२ ला उपाधि दुप्चेश्वर गाउँपालिकासे डाबारि सफल ताबा मुला ।

तिनि ताबा फाइनल क्लाङरि दुप्चेश्वर गाउँपालिकासे पन्चकन्या गाउँपालिका ‘ए’ टोलीदा ३–१ ला सेटरि ब्रेना लासि उपाधि डाबा हिन्ना । प्रतियोगितारि सोमछा ग्ला तादी गाउँपालिका थेन ब्लिछा ग्ला पन्चकन्या गाउँपालिका ‘बी’से डाबा मुला ।

प्रतियोगिताला उत्कृष्ट क्लाङ्म्हिला लिरि दुप्चेश्वर गाउँपालिकाला राजिब कँडेलदा घोषित लाबा मुला ।

गेताङ पन्चकन्या गाउँपालिकाला चोहो तेजबहादुर तामाङला चोहोदान थेन बागमती प्रदेशसभा ह्रोम्हि रमेशकुमार महतला ग्रेनडोन्बो ओसेम नुवाकोट जोङ समन्वय समितिला चोहो रजिन्द्र विक्रम सिंह ठकुरीला विशेष डोन्बोरि ताबा मुबा ।

गेताङरि नुवाकोट जोङ न्हाङला ल्होला नगरपालिका थेन गाउँपालिकाला प्रमुख, उपप्रमुख, राजनीतिक दलला प्रतिनिधि, कलाकार, पन्चकन्या गाउँपालिकाला ह्रोचोहो, प्रमख प्रशासकीय अधिकृत, जनप्रतिनिधि, कर्मचारी, लोप्खेन, प्रशिक्षक, क्लाङ्म्हि थेन स्थानीय म्हिकादेरि बोकिन्बा मुबा ।

गेताङ थुम्बा समारोहरि सांस्कृतिक गेताङ नोन उन्बा मुबा ।