सिन्धुपाल्चोक, २१ दुगु । मेलम्ची नगरपालिका प्रमुख आइतमान तामाङसे इन्द्रावती थेन मेलम्ची स्योङ करिडोररि तटबन्धन स्होसाम जेक्खे मेलम्ची बजारला ज्याना लासि डिछ्या ताबारि खाम्ला बिसि पाङ्बा मुला ।

बागमती प्रदेश सरकार, भौतिक पूर्वाधार विकास मन्त्रालयसे ङ्योइसाङ लाबा ‘पालिका केन्द्र थेन बजार केन्द्रला शहरी पूर्वाधार स्होखाम्बा डोबा’ सम्बन्धी काठुइ गेताङरि ताम थान्बान प्रमुख तामाङसे फोहोर डिछ्याबा, क्लाङ्छ्योङ पूर्वाधार, सडक नाङ्साल, पिङ्छ्युप पार्क ह्राङ्बा संरचनाकादे बजार डिछ्याबाला लागि आरेना आता बिसि पाङ्जि ।

थेसे पाङ्जि, ‘तटबन्धन आलाना बजारला ह्रेङ्बा दुइदोनाला डिछ्याबा सम्भव आरे । स्योङ गुला संरचना थेन योजनाखिबा विकाससे जेक्खे ह्याङ्से म्हान्बा सुविधा सम्पन्न बजार स्होला ।’

काठुइ गेताङरि मेलम्ची नगरपालिका उपप्रमुख उमा प्रधान, वडाचोहोकादे किरणदीप खड्का, चन्द्रबहादुर तामाङ, नगरला ल्होलो शाखा प्रमुख थेन सरोकारवाला निकायकादेसे सक्रिय बोकिन्बा मुबा ।

गेताङरि मन्त्रालयला परामर्शदाता गेन्दुन एरोमा टेक्नोलोजीष्टसे सहजीकरण लाबा मुबा ।