जनयुद्धला म्युगुसे खिल्बा थे मु
थेरि म्हाङजुगु गोलीह्राङ्नोन फ्याङ्मुबा,
थेरिन राप्बा मुबा कमरेड चेतना,
मिरि ग्युरपोबाला ह्याङ थोसि ।
तिल्मा,
थेला गोङ्मा सत्ता क्रेमुबा,
उपमेयरला कुर्सीसे डेन लामुबा थेला संघर्षदा,
भीडसे नारा ल्हागाब लामुबा–
“क्रान्ति जिन्दावाद !”
तिनि,
सडकला गुरि सिम्बा लाबातेन छेसिमाम,
मकैला म्युगुरि म्हाबा मुला थे
ह्राङ्लान दोङरापदा ख्राङ्बाकेन लाबाह्राङ छोर्ला
मुतेबा दानातेन ।
केवा,
खाइमा टुबाकला नालरि ब्रिला,
खाइमा ख्राङ्बा मकैला ज्याबाथाङरि म्हाला ।
क्रान्ति,
खाइमा सत्ता दोला,
खाइमा फोला मे ।
तिगा पोजि ?
दुइ कि साइजुगु ?
कि ह्याङ्नोन ब्लाप्जि
ह्राङ्लान आदर्श थोबारि ?
चेतना बिसाम दातेनोन छोन्बो मुला ।
थेला मिन ह्राङ्बा,
ह्याङ्दा डान्ना लाबाकेन मुला
कि संघर्ष खाइमाइ आजिन,
ओम क्रान्ति
कुर्सीरि आहिन,
म्हिला केवारि दाप्तोला ।
मकैला म्युगु न्हाङरि नोन
याखारगि तोसोला विद्रोह ताला ।
कुटिसि कुटिसि,
तासाइ नुब्बा ।
(व्हाइखाब्रिखेन बारबर्दियाला ङ्हाच्छाला मेयर दुर्गाबहादुर थारु ‘कविर’से मधुवन नगरपालिका बर्दियाला गिक्छा उपमेयर सुवरानी थारु (कमरेड चेतना)से सडक गुरि माकै ख्राङ्सि चुङ्चिबा फोटो सामाजिक संजालरि म्राङ्माहेन्से ब्रिबा चु व्हाइखा । चु व्हाइखाला स्रोतः लावा डग्गर हिन्ना । दोःबा : यकिना अगाध)
(छिगकि दोनः खिल्बा– ढाकिएको, ग्युरपोबा– परिवर्तन, केवा– जीवन, ज्याबाथाङ– बास्ना, साइ– मूल्य, तोसो– किसिम, नुब्बा– गहिरो)
तपाईको प्रतिक्रिया दिनुहोस