तिगा छ्योकु लाला ? लाथानरि निसि
ङ्हाच्छा ह्राङ्ला बानी सुधाराप लाउ
खानाङ म्हिसे म्हिदा लेबाफेबा लाला
थेरि कोन्ज्योसोम याङ्बा तिगा आशा लाला ? 
ह्राङ्सेन बिला क्योङला तिङरि
कोन्ज्योसोमसे बास लाबा ताला ।
ह्राङ्सेन थुर्ला बिला म्हिदा
तिगा थेला आत्माला कोन्ज्योम थुर्ला ? 
खानाङ लेबाफेबा ताला, थेरि अन्याय ताला
थेरि कोन्ज्योसोम याङ्बा तिगा आशा लाला ? 
क्योङला कारि नेपालीपन मुला
क्योङला तिङरि नेपालला चेगाइ मु
केमान खालाइ दलित आता
केमान खालाइ न्हा क्षेत्री बामान
खानाङ मेबानोबा ताला थेरि ङ्हाप्बा ताला 
थेरि म्हि दोबा तिगा आशा लाला ? 
तिगा छ्योकु लाला लाथानरि निसि
ङ्हाच्छा ह्राङ्ला बानी सुधाराप लाउ... ।

ललितपुर ।

(छिगला अर्थः ङ्हाप्बा– शोषण)

दोःबा : यकिना अगाध