खाइमा
ख्रेन्बारि छेबारि
खालाइ राप्चिबा ताला
थे जेबा म्राङ्बारि चुला ।
व्हाचिबा ग्वाइ
थोबो रेन्चिबा पुख्रि
काङ ङ्हीसे जुसि
पुजुला छ्याम जाबा बा चाचिबा रा
वानरि लासि ब्राचिबा चितुवा
टोकरीरि लिसो च्योबा
रोरो छ्वाचिबा ग्रेवा
व्हा चु मुतेबाला ग्लारि म्हि मुबा हिन्साम !
खाइमा
ख्रेन्बातेन छेबारि
खालाइ राप्चिबा ताला
थे जेबा म्राङ्बारि चुला ।
सम्बन्ध
ह्राङ् क्वान क्वान्सि
स्यान्दोदा क्वान क्वान्बा म्राङ्बारि
ह्राङ क्वान क्वान्सि
स्यान्दोदा क्वान आक्वान्बा म्राङ्बारि
ह्राङ क्वान आक्वान्ना
स्यान्दोसे नोन क्वान आक्वान्बा म्राङ्बारि
गोरसोम फेबा फेबा सम्बन्ध स्होतोबा मुला
चुकादे गुङ्ला
गिक्छाग्याम एसे सेम कोर्ना लातोमुला
ङ्हीछादा म्हाइबारि नितोमुला
ओम सोमछातेन डिक्सि
क्रान्ति थेन सिर्जनाला दारज्यु रेन्तोमुला ।
(सर्वेश्वरदयाल सक्सेना (१९२७–१९८३) प्रसिद्ध भारतीय व्हाइखाब्रिखेन हिन्ना ।
थेसे ह्राङ्ला केवादुइरि व्हाइखा, राप थेन चेमा ब्रिबाला छ्याम बिजाग्योइकाइरि नोन ग्रेन योगदान पिन्बा मुला । थे स्योस्यो थेन बिजास्योस्योला डिक्खेन सुताइ हिन्ना । व्हाइखाब्रिखेन सक्सेनाला व्हाइखा । दोःबा : यकिना अगाध)
(छिगला अर्थः केवा– जीवन, राप– कथा, चेमा– नाटक, ख्रेन्बा– भोक, वान– झाडी/घारी/बगैंचा, लिसो– उल्टो, रोरो– फल, क्वान– कपडा/लुगा, दारज्यु– झण्डा, ग्रेवा– सुगा ।)
तपाईको प्रतिक्रिया दिनुहोस