चु सेम ह्याङ्ला खाराङ्बा
कादेन मुसाइ आछ्योबा
औसीला लानि, नग्याला दिनि
ह्राङ्बान मुपा टिम चु जुनी !
नेपा च्यापारि चु ह्युलरि
जाम्बुलिङरि ङाता छार्ना
थे नगला आपा आमासे
केबा पिन्जिम चु ल्हुइदा !
दुःख न्हाङरि ह्याङ तामाङ
उन्मा दाङ्बो दुइरिमि
डोबा, ब्रिबा आम्याङ्बा
थे दिन जिसि बामामि
बोमोसे तिलाइ आम्राङ्बा !
दारेसे क्यारला मारला मि
सेमला बोमो स्योङ्म्लेसि
ज्योज्यो आले, नाना आङा
मोक्कोन डिक्सि रेतोजि
ह्याङ्ला गोन्बो स्हेङ्तोजि ।
रहुइ नगला दोङस्या आमा मोक्तान
आपाला सानु ङा जामे
दुइरि मि निजिम थाआरे
दातेइ सेम मुला ङा छामे !
न्यूयोर्क ।
(तामाङ सोसाइटी अफ अमेरिकासे स्हेङ्बा ‘घ्योइ थेन सेमल्हेङ’ गेताङरि डोबा व्हाइखा ।)
तपाईको प्रतिक्रिया दिनुहोस