नेपाल तामाङ घेदुङ, पूर्वी क्षेत्रीय समन्वय समिति दमाम, साउदी अरबला तिल्मा चिबा चिसाङसे ल्होलो निर्णयजुगु लाबा मुला ।

चिसाङ मन्जुश्री सम्वत २८६१ डुल (सापुख्रि) ला सोनाम ल्होछारला दुइसाङरि स्हेङ्बा सांस्कृतिक गेताङफिला क्योइताम (समिक्षा)ला लागि चिबा हिन्ना । चिसाङ दमामला सिको गार्डेन ङामला नेपाली रेष्टुरेन्टला सभाहलरि चोहो विजय लामाला चोहोदानरि चिबा मुबा ।

चिसाङसे ल्होछार गेताङ ग्रेन लिरि सफल ताबा क्योइताम लाबान गेताङ्दा सफल ताना लाबारि ह्रो लाबा साउदी अरबरि क्रियाशील मुतेबा गेन्दुनजुगु, अरबरि मुबा नेपाली ज्योज्योआले, नानाआङा मोक्कोनदा थुजेछे फुल्बा मुला ।

घेदुङ, पूर्वी क्षेत्रीय दमाम, साउदीला ग्रेनगौराइ सोमबहादुर लामाला आन्सार चिसाङसे आर्थिक, भौतिक, नैतिक लिसे ह्रो लासि गेताङ सफल ताना लाबा क्योङ्दा थुजेछे फुल्बान गेताङ स्हेङ्बा दुइरि ताबा तिलाइ कमजोरीदा क्षमा ह्रिबा मुला ।