तामाङ घेदुङ, सिन्धुलीसे दुगु २४ गते दीपावली लासेला
२०८२ वैशाख २२, सोमबार २०:३० मा प्रकाशित
सिन्धुली । नेपाल तामाङ घेदुङ, सिन्धुली जोङ्से दुगु २४ गते दीपावली लासि ताङ्बाला लागि घेदुङला मुतेबा समितिदा निर्देशन लाबा मुला ।
बागमती प्रदेश सरकारसे तामाङ ग्योइदा सरकारी गेदोइला ग्योइ स्होबा दिङ गि छ्योबा दुइसाङरि सिन्धुली घेदुङसे चु गेताङ स्होबा हिन्ना ।
घेदुङ जोङ समन्वय समिति सिन्धुलीला चोहो सुरदबहादुर स्याङ्तानसे वक्तव्य जारी लासि बिबा मुला, ‘बागमती प्रदेशसे तामाङ ग्योइदा गेदोइला ग्योइ स्होबा दुइसाङरि दुगु२४ गते जोङ घेदुङसे जोङरि, नगरपालिका थेन गाउँपालिकासे ह्राङ्ला मुकामरि ओसेम नगरसे नगररि दीपवाली लाबारि म्होइजेन मुला ।’
थेसे तामाङजुगुदा ह्राङ्ह्राङ्ला दिमरि दीपावली लासि ताङ्बारि नोन म्होइजेन लाबा मुला ।
(छिगला अर्थः दुगु– बैशाख, गेदोइ– कामकाजी)
तपाईको प्रतिक्रिया दिनुहोस