नुवाकोट । राष्ट्र सेवक कर्मचारी समाज नुवाकोटला चोहोरि उदयबहादुर रानामगर दाम्बा मुला । कामरेकुनु नुवाकोटला पर्यटकीय नाम्सा ककनीरि ताबा साधारणसभासे रानामगरला चोहोदानरि १७ ह्रोम्हि कार्यसमिति निर्विरोध निर्वाचित लाबा हिन्ना । चुङ्हाच्छा रुद्रसिंह तामाङ चोहो मुबा ।

साधारणसभाग्याम वरिष्ठ ह्रोचोहोरि नवराज ढकाल, ह्रोचोरि सन्तु श्रेष्ठ, गाउराइरि राजुप्रसाद प्याकुरेल, न्होरचोहोरि कृष्णराज खतिवडा थेन छ्यागाउराइरि विनोद न्यौपाने दाम्बा मुला ।

कार्यसमितिला ह्रोम्हिकादेरि कृष्ण पुडासैनी, केशरबहादुर पण्डित, नमराज सापकोटा, नारायण श्रेष्ठ, रूपा तामाङ, विमोचन भण्डारी, इन्द्रबहादुर पाण्डे, श्यामलाल श्रेष्ठ, कृष्ण गिरी, दिनेश भट्टराई थेन अर्जुनराज पाठक दाम्बा मुला ।

चुङ्हाच्छाला कार्यसमितिला ह्रोचोहोरि मुबा कृष्ण पुडासैनी थेन गाउराइ केशर पण्डित पदाधिकारीरि छारिब्योनला प्रतिनिधित्व लाबारि बिसि ह्रोम्हिरिन चिबा मुला ।

समाजसे राष्ट्र सेवारि वाङ्बा रूपा तामाङ, कृष्ण देवकोटा, रेशम तामाङ, रामचन्द्र कोइराला, डा. सौरभ श्रेष्ठ, रामप्रसाद अधिकारी थेन सूर्यबहादुर तामाङदा डेन लाबा मुला ।

चुह्राङ्नोन लासि बढुवा ताबा जंगबहादुर अर्याल, डा. मनोज केसी, पार्वती तामाङ, पारस पण्डित थेन राजु प्याकुरेलदा नोन डेन लाबा मुला ।

चुह्राङ्नोन लासि सेवा निवृत ताबा वद्रीप्रसाद अर्याल, ज्ञानबहादुर अधिकारी, होमनाथ थपलिया थेन यादव गजुरेलदा नोन डेन लाबा मुला ।

साधारणसभासे ७ ह्रोम्हि ग्रोइपा समिति स्होबा मुला । थेरि डा. केदारनरसिंह केसी, रूद्रसिंह तामाङ, तुलसीप्रसाद सिटौला, रामप्रसाद थपलिया, पुष्पराम केसी, डा. मनोज केसी, सुदर्शन भण्डारी, बासुदेव गुरागाई, जंगबहादुर अर्याल मुला ।

साधारणसभाला चोहोदान समाजला चोहो रूद्रसिङ तमाङसे लाबा मुबा ।

गाउराइ केशर पण्डितसे संगठानिक प्रतिवेदन थेन न्होरचोहो ज्ञानबहादुर अधिकारीसे समाजला न्होर प्रतिवेदन थान्बा मुबा ।