प्रेस काउन्सिलसे गोरखापत्र गेन्दुनग्याम ‘न्युज रुम’ रचनात्मक स्योनामला गेरेम चुबा मुला । काउन्सिलला निबा गोनेरि चिबा बोर्ड चिसाङसे ‘न्युज रुम’रि रचनात्मक स्योनामला बहस ङ्हाच्छा बोर्बा निर्णय लाबा मुबा । थेआन्सार नाबिङरे गोरखापत्रग्याम गेरेम तिबा हिन्ना ।

काउन्सिलला चोहो बालकृष्ण बस्नेतसे तिगाइ आता बिबा ख्योल्बा ताम ब्याङ्सि आशाला यान्पाङ लाबारि यान्पाङम्हिला विशेष भुमिका ताला बिसि पाङ्जि । गोरखापत्र नेपालला स्योनामला मानक ताबासे चुनोन ग्याम ‘न्युज रुम’ रि रचनात्मक थेन समाधानमुखी स्यानोमला बहल तिबा थेला सेमताम मुबा । ‘ह्युल्बारि खाजिबाइ दुइ स्योस्यो बिबा गोरखापत्र जेक्खे हिन्ना बिबा मुबा । लो एसियालान खेबा यान्पाङ गेन्दुनरि परतिबा चु तेबाग्याम रचनात्मक स्योनामला गेरेमदा थुइबा हिन्ना’, थेसे बिजि ।

सन् ६० ला दशकहेन्से रचनात्मक स्योनाम खाजिबाइ न्हा खाजिबाइ तोसोसे खासाइ नोन नेपालरि जाजाकार जेक्खे चुला प्रयोग ताबा बस्नेतसे पाङ्जि । दाते काउन्सिलसे ‘न्युज रुम’रि निबा थेन थेर्ला रचनात्मक स्योनामला अभ्यास गोबा थेन थेदा ल्हेना लाबारि ‘न्युज रुम’, राज्य, डिक्खेन थेन ड्यिाबासे तिगा लातोला बिसि काउन्सिल केन्द्ररि चिसि बहस केना लाजिबा थेसे ग्रा पिन्जि ।

गोरखापत्र गेन्दुनला चोहो विष्णु सुवेदीसे रचनात्मक स्योनामला व्हा विकास स्योनाम तिलादाम्मान बिसाइ दारेला स्योनामसे समस्या जेक्खे उन्बा आहिन समाधान नोन म्हाइतोला बिसि पाङ्जि ।

(छिगला अर्थः स्यानाम– पत्रकारिता, गेरेम– अभियान, गोने– साउन, नाबिङरे– बुधबार, ख्योल्बा– गलत, यान्पाङ सञ्चार, सेमताम– भनाइ, स्योस्यो– पत्रिका, लो– दक्षिण, खेबा– पुरानो, तोसो– तवर, डिक्खेन– सम्पादक, डिछ्याबा– व्यवस्थापन, केना– सिर्जना, ग्रा– जानकारी)