हेराङ । कोन्ज्योसोम प्रज्ञा प्रतिष्ठानसे ह्राङ्ला सुङस्यो क्योलोलो सार्वजनिक लाबा कोन्ज्योसोम प्रज्ञा प्रतिष्ठानला चोहो गोपाल सन्जेलसे ग्रा पिन्बा मुला ।
चोहो सन्जेलला आन्सार निबा सुङरे गिक्खे समारोह गुङरि थे स्योस्यो स्रष्टा समाजला चोहो श्रीओम श्रेष्ठ ‘रोदन’से सार्वजनिक लाबा हिन्ना । ग्रेनडोन्बो ‘रोदन’से मनिषा लामाला ‘केवाला संघर्ष’ राप पोप नोन सार्वजनिक लाबा प्रतिष्ठानला ह्रोम्हि बेलबहादुर लामासे ग्रा पिन्जि ।
गेताङरि प्रतिष्ठानग्याम ङ्योइसाङ लाबा ल्होलो विधारि बोकिन्बा स्रष्टाकादेला रचना डोबान डाबा प्रतियोगीकादेदा पुरस्कृत लाबा मुबा ।
ग्रेनडोन्बो ‘रोदन’से दातेला ब्रिबा थेन प्रवृत्तिफिरि सेमताम थान्बान स्थानीय छार ब्रिखेनला डेन लासि पालिकास्तरला चु गेसे सिर्जनात्मक ब्रिबारि ह्रो तासेला विश्वास व्यक्त लाबा मुबा ।
गेताङरि कोन्ज्योसोम गाउँपालिका प्रशासकीय अधिकृत गोपाल दुलालसे खाबा रेरि पालिकाला निरन्तर ह्रोतासेला ग्रान पिन्बा मुबा ।
गाउँपालिका ह्रोचोहो राजनप्रसाद घिमिरेसे नोन खाबा बजेटरि प्रतिष्ठानदा प्राथमिकता पिन्तोबा तामरि बाङ पिन्जि ।
गेताङ प्रतिष्ठानला चोहो गोपाल सन्जेलला चोहोदानरि ताबा मुबा ।
तपाईको प्रतिक्रिया दिनुहोस