याम्बु २६ ड्वाफ्रे । ज्योति विकास बैंक लिमिटेडसे याम्बुला हात्तिसारला Hotel Marcopolo रि बैंकला ग्राहकजुगुदा १० प्रतिशत दोनाला विशेष छुट पिन्बा सम्झौता लाबा मुला ।

चु सम्झौतालिच्छा ज्योति विकास बैंकला ग्राहकजुगुसे थे होटलरि कान थेन रुम चार्जरि १० प्रतिशत दोना छुट याङ्बारि खाम्सेला मुला । ज्योति विकास बैंकसे ग्राहकजुगुला सुविधादा प्राथमिकतारि थान्सि, ह्युलला स्यान्दो ल्होलो छोङनामजुगुतेन थेनआताना ह्रोगे लासिकेन ग्राहकजुगुदा विशेष छुट थेन सुविधा पिन्सिकेन खाबा मुला ।

दार्सेजेक्खे बैंकसे हेराङ (ललितपुर)ला Baked & Served रि १२ प्रतिशत दोनाला छुट पिन्बा सम्झौता लाबा मुला । छ्यामरि, बैंकसे याम्बुला View Three Hundred Sixty Degree Resort थेन हेराङला Paradise Hills रि बैंकला ग्राहकजुगुदा १० प्रतिशत दोनाला आकर्षक छुट पिन्बा सम्झौता लाबा मुला ।

गेन्दुनगत सुशासनदा थोबोरि किन्सि, समाजफिरि उत्तरदायी चु विकास बैंकसे छार चिन्तनलन छ्याम समाजला खाबा रे थेन टुबा पोबाला संवाहक दोसि मुतेबा ह्युल्बाला केवा ह्याल ताना लाबा उद्देश्यदा सातान नोबा प्राथमिकतारि थान्बा गेदा निरन्तर पिन्बा थेन खाबा रेजुगु नोन पोबाला होइस्हेर दोबा अठोटरि प्रतिबद्ध मुला । ह्राङ्ला खुद मुनाफा ग्याम नेपालरि दाते संचालनरि मुबा स्यान्दो बैंक थेन वित्तिय गेन्दुनजुगुसे सामाजिक उत्तरदायित्व न्हाङरि सामाजिक गेरि लाबा योगदान बिमा ५० प्रतिशत ल्हाना न्होर फेसि समाजफिरि उत्तरदायि काप्बा चु विकास बैंकसे ह्युल्बाला सर्वोत्तम हित सातान नोबा प्राथमिकतारि थान्बा मुला ।

ज्योति विकास बैंकसे दाते १२१ शाखा गेदिम, ३ विस्तारित काउन्टर थेन ७५ वटा एटीएम ग्याम बैंकिङ सेवा पिन्सिकेन खाबा मुला ।