हेटौंडा २८ ड्वाफ्रे । तामाङ स्योमि गेदुङ मकवानपुरला ङ्योइसाङरि तामाङ स्योमिकादेदा सोमरेला ‘तामयिक’ हिगि ब्रिबा प्रशिक्षण पिन्बा मुला ।

ड्वाफ्रे २८ गतेहेन्से तिबा चु गेताङ मकवानपुर जोङरि गिक्छारेम तामाङ स्योमिकादेला लागि संचालन लाबा हिन्ना ।

स्योमि गेदुङला चोहो जयराम मोक्तानला चोहोदानरि ताबा गेताङरि मकवानपुर जोङ नाङला तामाङ स्योमिकादेला छ्याम तामाङ समुदायला सांस्कृतिक अभियन्ता, बुद्धिजीवि थेन अग्रजकादेसे ज्याबा बोकिन्बा मुबा । तामाङ ग्योइला माउलिक हिगि ‘तामयिक’ लोप्बा उद्देश्यसे संचालन लाबा चु प्रशिक्षणसे तामाङ ग्योइ थेन रिमठिमला ख्युरछ्या, ल्हेछ्या थेन अभिलेखीकरणरि महत्वपुर्ण योगदान पिन्सेला विश्वास ङ्योइसाङ गेन्दुनसे लाबा मुला । गेताङरि नेपाल तामाङ घेदुङला केन्द्रीय ह्रोम्हि मेम्बर लो थेन घेदुङ बागमती प्रदेश चोहो लिलाकुमार घलानसे प्रशिक्षकला लिरि सहजीकरण लाबा मुबा ।

गेताङरि ‘तामयिक’ हिलिा ठुङ्बा, विकास, ब्रिबा ज्यो थेन व्यवहारिक प्रयोगलाफिरि ग्रा पिन्बा मुबा । गेताङ हेटौंडा उपमहानगरपालिका वडा नंं २ ला चोहो विष्णुगोपाल महर्जनला ग्रेनडोन्बोरि थुम्ना लाबा मुबा । गेताङ थुम्बाकुनु बोकिन्बा स्योमिकादेसे ‘तामयिक’ हिगिरि ब्रिबा नमुना बार्बुकादे उन्बा मुबा ।

(छिगला अर्थः स्योमि– पत्रकार, गेदुङ– संघ, हिगि– लिपी, जोङ– जिल्ला, ख्युरछ्या– संरक्षण, ल्हेछ्या– प्रबर्धन, ह्रोम्हि– सदस्य, बार्बु– सामाग्री)