हेराङ । बागमती गाउँपालिका वडा नं. ४ प्युटारला खयरघारीरि मुबा बागमती आधारभूत लोप्खाङरि डोबा ८९ म्हे न्होर कामजोर मुबा बिजाबुमोकादेदा शैक्षिक बार्बु बोलाजि । लोप्बोनकादेदा कपी, पेन्सिल, इरेजर, कटर, स्केल बोलाबा मुबा ।

प्युटार खयरघारीला समाजसेवी विजय घलानसे लोप्बोनकादेदा शैक्षिक बार्बु बोलाबा हिन्ना । घलान फुटबल क्लाङम्हि ओसेम सशस्त्र प्रहरी हिन्ना । शान्ति सेनारि सुडानरि दिङ गि निसि खाबा दुइसाङरि चु बार्बु बोलाबा हिन्ना ।

लोप्खाङला प्रधानाध्यापक सन्तोष लोप्चनसे लोप्बोनकादेदा शैक्षिक बार्बु बोलासि ह्रोलाबासे घलानदा थुजेछे फुल्बा मुला । गेताङरि लोप्खेन, लोप्बोन, स्थानीय अभिभावककादेसे बोकिन्बा मुबा ।

लोप्खाङरि लोप्डा ७ रि डोबा करण भोम्जनला चोहोदानरि १३ ह्रोम्हिला मखमली बिजा क्लब स्हेङ्बा मुला ।

(छिगला अर्थः बार्बु– सामाग्री, हेराङ– ललितपुर, म्हे– जना, न्होर– आर्थिक, बिजाबुमो– बालबालिका, ह्रोम्हि– सदस्य)