चु नाम्साला मिन रामगढवा हिन्ना
चुरि तिरे चिबा माउका याङ्जि बिसाम 
एदा थाहा तासेला मुला
चु नाम्सा थेन सुक्खासे चाबा बुरि
कादे च्योच्यो मुला ।

योरिन चु नाम्सा छोर्ला
बुरि निला
हलो मोइला
साप्रा चे स्होला
ब्लाप्बा म्हेदा चेगाइ लाला
ओम व्हाइ कोला
‘जोवनवा हमरा बीत गइल हे...’
रेनाङला कडा मेहनत लासि
खाइमा फोनाङ चाबारि आयाङ थेदुइरि
एदा थाहा तासेला मुला
बुरि ब्लाप्बा म्हेदा चेगाइ लासिकेन
कोबा व्हाइला अर्थ तिगा हिन्ना
म्हुना चु नाम्सा ग्लागिरि पोप ताला
खाइमा चोकटाचा
खाइमा बगडा आलेचा
खाइमा मखना आकुचा
घुर दुला
ताम लाला
नाम आताइनि
बाली आल्हेनि
खेप्पा दोप्ता आसिनि
परालला मे दुसि याखारगि म्हुन
चुरि चिबा माउका याङ्जि बिसाम
एदा थाहा तासेला मुला
ब्याजदा दर थेन खेप्पा दोप्ताला ह्रेङ्बा छे
ङ्ही नोन कादे स्हुखाबा मुला ।

ए रामगढवारि म्हुनागि देन्बान चिउ
दिम–ख्राङ्गारि कोर्गो
बु–खलारि निउ
ओम चुर्ला म्हिकादेतेन ह्रुप ताउ
एदा थाहा तासेला मुला
चु नाम्सा थेन सुक्खासे चाबा बुरि
कादे च्योच्यो मुला ।

२०३७
(छिगला अर्थः दोप्ता– साहु/मालिक, छे– आयु/ऋण/घाँस, स्हुखाबा– दुःखदायी)
‘आगोनेर उभिएको मानिस’ ग्याम । दोःबा : यकिना अगाध)