छ्याम ब्रामा या चुङ्बा ह्रोला
डान्बा खाला ।
शुन्य प्रगति तामा फेसि निबाला झान नोन डान्बा खाला ।
छ्याम नोन डोबा ह्रो म्राङ्मामि
खर्च लासि घोकतिबा विद्या घोकतिबारि आखाम्मा
परीक्षारि ग्याप दोबा डान्बा खाला ।
नाम ताइमा छातान्हाङरि छ्याम ब्राबा
ओम दिनि फेमाहेन्से क्यार आङ्बामि
हुटहुटी डान्बा खाला ।
आउदिन डान्बा खाला–
खाल्से थोबो स्हुखामा सिटामोल ख्वाजि
थेला डान्बा खाला ।
डान्ना डान्ना
क्योङ बिमा
थोप्साङ आरेबा ह्राङ्ह्राङ छोर्ला
ह्राङ्ला खाल्ती थानथान तामा
छ्याम आब्राबाला झाननोन डान्बा खाला ।
तिनि ह्राङ्नोन छोर्ला
सुको छाबारि आखाम्मा ह्राङ्ला बिबा नोन
क्यार क्यार ह्यार्बा दाते नोन डान्बा खाला ।
ओम क्योङबिमा लिला घमण्ड लाबा
ह्राङ्लान मुबा दातेह्राङ्नोन छोर्ला
ताम पाङ्बारि आखाम्मा
ग्याप्से छुरा छेप्बाला
झान नोन डान्बा खाला ।
(छिगला अर्थः डान्बा– याद, डोबा– पढेको, थोप्साङ– भाग्य, छाबा– कमाउनु)
दोःबा : यकिना अगाध
तपाईको प्रतिक्रिया दिनुहोस