होराङ्बान मुला एला स्हु थेन ङाला ङ्होला टु
कादेन ब्योङ्गे लासाइनोन हाइमाइ आबेबा चु ।।
रे दाङ्से हान्डो ग्युरो ब्राबा आपासे पाङ्बाला
स्ह्यान्ना टु चाबा बिमा ख्वासि चाउ रो पाङ बु ।।
स्योङ थेन ह्रिला सिकार लासि थाचाउ स्याबिलोरो
आमासे पाङ्बा सुसि चाउ रो डाबडुब पोलो खु ।।
स्हिकस्हिक तासाइ थोबोला क्रा क्वान्चा डेबान तासाइ
हाम्दे स्ह्यान्दा ख्वागो रो क्योङगो रो सोकब्लासि कु ।।
हाम्बाकादे नोनान जागाइ काङ छेङ्ला आदे रो
ग्रेन स्होसि कु चोप आथिगो तिगाइ डाबा कुनु ।।
ह्राङ्लान नाख्रु म्याप्सि चाइरो काङ या बोलहाम्दे
क्योङ्तेन डिक्सि चितोला रो मुदेम मुठिनाङ बु ।।
तपाईको प्रतिक्रिया दिनुहोस