ब्राउ माइच्याङ म्हाबार ल्हा कोर्बारि ङातेन सरर
सार ताइबा ग्योइला कोन्ज्योला ज्योल्बा लासि 
ए थेन ङाला चेगाइला म्हाङ राबा ङाला रहर 
थे एला पेबा लिस्ह्याल च्याला ङाइ लासि लासि ।।

ताङगिदा अत्तर बास्ना खि ह्रिसि
एला थे ल्हुइरि फुल्सि पिन्ना 
थे सार्सि चिबा सप्तरंगी पाडाम्हेन्दो थुसि
एला क्याबोइरि ख्याप्सि पिन्ना ।।

म्हाबार ख्यारख्युर एनोन मुला चु तिङ्ला न्हाङ्नोन न्हाङ
ङा ज्योहो ए ज्योमो दोसि ब्राला छ्याम नोन छ्याम
ए थेन ङाला चु चेगाइ ज्योमोगाङ ह्राङ नोना लाइ
ए थेन ङाला चु चेगाइ मारमार गान्दि ह्राङ ह्रेङ्ना लाइ ।।

ङाइ पाङ्बा चु बोली का तागाइ 
ह्याङ्लान मिनरि लाबासे व्हाइ ब्रिगाइ
तिलाइ लासि चु केवा लिच्छाला हिन्साइ
एदा ख्लासि खाइमाइ निआतोगाइ ।।

थेतासि एनोन ङाला ल्हुइ ह्रो हिन्ना 
एनोन ङाला सेम ह्रो हिन्ना 
एनोन ङाला साला व्हाइ हिन्ना
एनोन ङाला केवाला ग्योइ हिन्ना ।।

महाभारत गाउँपालिका वडा नं. ३, योन्जनडाँडा, काभ्रेपलान्चोक ।

(छिगकि दोनः का– वचन)