सिन्धुपाल्चोक । मेलम्ची नगरपालिकाग्याम आयोजित ङिसरेला ‘कम्प्युटर ओसेम आइसिटी सीप ब्रेल्चिबा’ कुबा स्योल्बा मुला । गेताङरि नगर ग्रेन्पो आइतमान तामाङसे लोप्बाला वास्तविक साइ थेला प्रयोगरि निहित तासेला पाङ्जि ।

ग्रेन्पो तामाङसे प्रविधि दारे विकल्प आहिन, तोबा स्हे हिन्ना बिबान कुबासे लोप्बोनजुगुदा छार ग्युइ, सीप थेन प्रविधिला छ्याम ङामरि बाबा उल्लेख लाजि । थेसे लोप्बा स्हेदा ह्रेवारि व्यवहाररि लागु लासि लोप्खेनदोना प्रभावकारी स्ह्रुगरि दोना लाबारि म्होइजेन लाजि ।

थेसे ६० लोप्खाङला ६० म्हे लोप्बोनजुगुसे बोकिन्बासे चु अभियानदा झन दोनक्योङ स्होबा उल्लेख लाबान लोप्खाङ डिछ्याबा दाछोक थेन लोप्खाङ प्रशासनदा आभार व्यक्त लाजि ।

थेसे कुबा सफल स्होबारि दिनम्हुन खटप ताबा प्रशिक्षक ओसेम ग्याल्सासाप्तोपा कर्मचारीजुगुफिरि विशेष थुजेछे नोन व्यक्त लाजि ।

गेताङरि स्यानग्रेन्पो उमा प्रधान, प्रशासकीय अधिकृत झपेन्द्र खरेल, ग्युइसेर शाखा ग्रेन्पो लक्ष्मीप्रसाद रिजालला छ्याम ल्होलोसे बोकिन्बा मुबा ।

(छिगकि दोनः ब्रेल्चिबा– सम्बन्धी, कुबा– तालिम, स्योल्बा– समापन/सम्पन्न, ग्रेन्पो– प्रमुख, लोप्बोन– शिक्षक, ह्रेवा– व्यवहार, लोप्खेन– विद्यार्थी, स्ह्रुग– रुप, म्हे– जना, दोनक्योङ– अर्थपूर्ण, डिछ्याबा– व्यवस्थापन, दाछोक– समिति, ग्याल्सासाप्तोपा– राष्ट्रसेवक, स्यानग्रेन्पो– उपप्रमुख, ग्युइसेर– शिक्षा)