खाजिबाइ खाजिबाइ मिजुगु
खाइमाइ आक्रा
जेक्खे–
ब्रान्बाग्ला दोसिमाम ब्रान्सि चिला

मिजुगु–
ह्राङ्लाजुगु निबा ग्याम च्याचिबा ताला
ओम दोसि फ्लिकदोसि खाबा आशारि
थेनोन ग्याम च्यासिमाम
ब्रान्बादा नोन ब्लेखु खाबा लासि ब्रान्चिला

मजिुगु–
खाइमा म्हेन्दो च्यासि म्हेन्दो दोला
खाइमा मु च्यासि मु दोला
खाइमा छ्युलिङ च्यासि छ्युलिङ दोला
खाइमा ज्योमोगाङ च्यासि ज्योमोगाङ दोला

मिजुगु–
खाइमागि मिजुगु
खाजिबाइ जेबा स्हेरि दोसि
थेनताला । 
सेमसे मोह छोर्ना लाला ।
काङ्फ्लासे थेदोना दोबारि कुल्ला
यासे योना योना
आज्याबा गे लाबारि ह्रो लाला

ठिक थेनोन दुइ–
सजायला डन्डा उप्ला
क्योङ ल्हुइ स्हेररि बोल्ला 
ओम–
थेनोन मिग्याम स्हेरला स्यान्दो लि
मिख्लि दोसि
ग्राम्बाला ग्यालाम ताबान
ब्योङ्चिला, ब्योङ्चिला ।

(छिगकि दोनः छ्युलिङ– सागार, ज्योमोगाङ– हिमाल, उप्ला– बर्सन्छ)

दोःबा : यकिना अगाध