थेला केन–स्युइमि, ख्रोङ–जेठाजुतेन
दिक्गि चिसि
दोबाकेन लामा ह्रुप ताजि आङातेन
जेक्खे मिनेट ङ्हिला लागि ।

थे खाजि
पाबा टिनला छानाग्याम माङग्यार थोन्सि
ख्राङ्गाला दोङ टारि
काङ्ला छिनसे सा ट्वाइसि
गुङ गुङरि ङाला लि च्यासि
आमा आपाला ज्याबाहाम्बा ङ्योइजि
चाङ्गेन थेन लाइनुकादेला साङग्युर ङ्योइजि ।

तिक्खुरि काइ खाजि
आङाला दिमला
खाजिबाइ अधबैंसे व्हा खेप्पा म्हिला–
‘निसेला हिन्साम निउ
तिल्दा ताम ह्रेङ्ना लाचिबा ?’

थेसे ब्लप्बा सेमन्हाङ हेन्से 
बिजि– ‘दारेम ब्रास्ह्युगो ज्योज्यो... ।’
चुह्राङ बिबाकेन लामा
आङाला मि मिख्लिसे बाप्जि ।

जेलरि मुबा, तासाइ नोन
थुम्जि ह्रापह्रुपला दुइ
दोपदोप्पा म्रापरिक्यार फ्लिकदोजि थे
दिमरि ल्हानान गे मुबा । 
(छिगला अर्थः ख्रोङ– देवर)

दोःबा : यकिना अगाध