गाङ्थोला थे न्हानला डहु दोङ
खेप्पा दोबान ल्हाप्ते हार्बान मुला
म्हेमे आखे सिल ताबा ग्ला
दोङरापला नाम्दार थान्बा सा
थिबा युङ्बा कादेसे ख्रुङ्बान मुला ।।
चोहो आखेसे छाङ राबा ग्ला
मामसे साल्गि ख्रिम्बा सा
छामे ब्योन तोरमार ह्वाइ ल्हिबा ग्ला
तोर्से गाङ्ला पेमा आस्याङ
डम्फु दुर्ना लाबा सा ।।
मार्से ब्यासिला म्हुइसाङ आङि
खुइ...लाबान ब्लाप्पा साल्बा लाबा न्हान
नाङ्साल नानासे वाति ग्याम
दरबुङ पुइसि ब्राबान लामा
छाङ तोक थाान्सि ब्लाप्पा न्हाबा ग्ला
डोल्मो आङासे घट्टा ग्याम स्याङ्सि बाबा
साङाला ब्राला दोइ न्हाबा सा ।।
चुुनोन ह्याङ्ला सा थेन ग्लारि
म्हि बैरीला सेम न्हाङ्सेन मिन ब्रिबान मुला
थे ह्याङ्ला न्हानला साप्रा कादेरि
आङ्सि कादे फ्लाक्पान मुला
ह्याङ्ला काइरान पुइबा थे ग्ला कादेरि
रागे बागे दोसि आहिन स्यार थेन न्हुप दोसि आहिन
ह्याङ गिक तासि डिक्सि ज्योमोगाङ ह्राङ राप्तोला
जामाजे कु च्युइ दिङ ताबा मामला सेम फुुर्ताङसेला मुबा ।।
बागमति नगरपालिका–१२ कर्मैया, सर्लाही ।
तपाईको प्रतिक्रिया दिनुहोस