स्याेङ बगर गुनोन गु
खान्डो, ग्युरु, ङ्ह्याम्बु च्यार्बा घुम्ती
ओम तराईला चेतेन
लेङ स्होना स्होनान
गाङहोप, चेजुगुतेन
ताम लाना लानान
पाक स्हुखाजि तिङरि
चोननिजि ओइ तिगा ताजि ?
डान्जि, 
स्हुखाजि व्हा एदा
चेगाइसे गोल्छेसे स्योम्सिकेन
‘स्हु आखाउ ल्हा’ बिसि व्हाम्जि
तासाइ थाहा नोन आतानि
च्याचिबा 
चेगाइ मिरि झरी ताजिन्जिम ।
ज्योथान्बा चाङ्छार ह्राङ
बैंससे सार्बा म्हेन्दो ह्राङ
यौवनसे प्लिङबा छारिब्योन ह्राङ
आहा ! कादे जेबा ए
सेमरिन, तिङरिन, मिरिन
थान्गे थान्गे म्हान्बा
थेतासिमि
आँट लासिन पाङ्खाम्जि
चेमो !
ङामरि खाउ ङ्हाउरि ह्राङ
चेगाइ लाइ, चेमो लाइ
लासि क्लाङ्गे
खालाइ मुसाइ नोन आरेमा ह्राङ कुरि हापख्वाइगे
ज्याबा ज्याबा ताम लाइ
क्योङ क्योङदा म्लेसिमाम जाजाकि आँट लाइ
चेगाइला च्योबा थेन केकेबा ज्योगे ह्याङ
स्यान्दोसे आहा लागाइ, डाहा लागाइ
चखेवा चखेबी ह्राङ
खाइमाइ आफेबा चेगाइ लाइ
खाम्साइ,
मु सा ह्योङ्गाइ
ह्याङ्दा ब्रेबाजुगुनोन
ग्रान फागे पेगाइ ।
(छिगला अर्थः ङ्ह्याम्बु च्यार्बा– नागबेली, ज्योबा– सिंगारिएको, ङ्हाउ– अतित, च्योबा– चुम्बन, ब्रेबा– गिज्याउने)

दोःबा : यकिना अगाध