दाङ्बोला
कुरि चेप लाबा
गिक्खे गाङथोरि
लुङ्दार ह्राङ दाराप्सि टिबा
तामाङ रिमठिमसे क्युरबा
रोस्योङ थेन कोसि गान्दिसे हाप ख्वाइसि
कोट तेमालला गाङथोरि फ्युफ्यु ह्राप्पान
च्यासि टिमुला आखेम्हेम्हेला दोङराप ।
लुच्छा सासक कादेसे
ओराङनोन,
ब्यान्बा तामाङला सा थेन
तामाङ ग्ले रिन्जेन दोर्जेला म्हाइ लाबा ग्लेखाङदा
ब्यान्बा ह्याङ तामाङला ङोसेबादा
थेराङ नोन लासि च्यासि टिमुला
गुरु रिम्पोछेसे गोम लाबा
तोङ्सोम कुन्डा, गेलुङ उदा ।
ह्याङ्ला आखेम्हेम्हेदा सासक कादेसे
साइसि ब्याङ्बा रानि ग्योइ थेन
बोक थुम्कादा
ओम डान्सि टिमुला मालगाङदा
हतियारला कोतखानादा
बेसा न्हाङरि हतियार छुम्सि
लेङ स्होबारि बिसि षडयन्त्र लासि साइबा
ह्याङ्ला ग्लेदा
चु दोङरापला साफिरि न्हेसि
चातोला ह्याङ्से ग्रान
तामाङ सा फ्लिक दोसि बाबारि ।
तपाईको प्रतिक्रिया दिनुहोस