ओइ ! छोन्बो बिमलाकादे....

सोझी बिमलाकादे खानाङए डुङ्बा कोठा न्हाङरि
खानाङए वान, ह्रि, स्योङ गुरि
पशु पिपासु राक्षसकादेला षड्यन्त्ररि
बु ब्याङ्सि खानाङए आत्महत्या ओम
खानाङए दुर्घट्ना स्वीकार तिला खाइमा दोना ?
सेबादामि सेजि जिन्जि
ताम आपाङ छेन्देसे
पाङ्साइ नोन थेबारि आखाम
छोन्बो बिमला
ओइ छोन्बो बिमला....
एमि मुला ले !
एसे पाङ्बा ताममि थेला दुनियाँसे
खाराङ्लासि च्यासि चिखाम्ला
क्युलक्युल एसदा सेमा
एदा आत्महत्याला
पाले खेपिन्मा
ताम पाङ्पिन्गो बिमला
एक जुट ताउ बिमलाकादे
ओस्सोन ख्योल्बा आरेसाइ
खाइमादोना सेबा थेन आत्महत्याला
सिकार दोला दातेनोन
दार्से नोन कुटिसि तिल्दा
छोन्बो बिमला... ?
सेबा लिच्छाला आत्महत्या
स्वीकार मुला एदा ?
आरेबिसाम तिल्दा ले कुटिसि चिबा
ओइ छोन्बो बिमला... ?
(छिगला अर्थः वान– झाडी, छेन्दे– लाश, ले– नि, क्युलक्युल– टुलुटुलु, पाले– आरोप, खेपिन्मा– भिराउँदा, ख्योल्बा– गल्ती)
दोःबा : यकिना अगाध
तपाईको प्रतिक्रिया दिनुहोस