चरीला कमाइ दोङला नाइ
चु ताम आपाङ बिसि चिमा
खाइमादाम्मान दुःख याङ्जि ङाइ ।
सेमरि मुबा दुःखला ताम
ए ह्रुप तामा आपाङ्साम
खाइमान सुख आतानाम ।
ङाइ लाबा चु ताम ल्हेङ्मोला
दुःखसे नुप्सि निसाइनोन
ह्याङ्ला दोङराप तेन्मुला ।
आखेसे क्वान्बा कुलाइरि
दोङराप काइरन सोचिबा
ह्याङ्मि छार्जि थाइथाइरि ।
ओर्से क्यार्से ताम तोइला
एसे ङ्यान्छेला हिन्छामि
एदा ताम गि ङाइ ङ्योइला !
डम्फूला नामे ख्वार स्याला
चेगाइ आला–आला बिसाइनोन
ख्यार ख्युर दोसि ङादा च्याला ।
लादाम ज्याबा लाकोको
चु ल्हुइ सिसि आनिदे
सेमरि बोमो थाथोगो ।
आङरेम ज्याबा गोइजिन्ना
हिम्बान चेगाइ लाला बिसाम
चु तिङ तेसि फ्लेक पिन्ना ।
खाइमाइ आफेबा ग्रान चासाइ
क्यार खाउ खेप्पा पिर ख्लासि
तिलाइ आला थाहा तासाइ ।
गन्डुला चाना लाबुला
ङादेन म्राङ्मा केसामि
साइनो लाला छाबोला ।
टिकाम थान्बा ङ्हो थोरि
काम कुम जोर्सि ब्राउ ह्यावा
तिगा तालाताला ह्राङ्ला बोरि ।
दुःखन तासाइ छ्याम सोला
जिन्दगीला ग्यालामरि
फ्युक्पो दोसाइ ह्याङ दोला ।
हान्डि ग्युरो क्योलोलो
ताम ङाला दारेम नुप्चिगा
ह्या लास्हो थोन्जि प्योलोलो ।
चरीला कमाइ दोङला नाइ
एसेम ङ्यान्बासे पाङ्जि ङाइ
सेमरि दुङाल थातागाइ ।
सिन्धुली
तपाईको प्रतिक्रिया दिनुहोस