गणतन्त्रला विकल्प ग्ले आहिन
गणतन्त्रला विकल्प ग्ले आता
जाजामा क्वान्बा क्वान ग्रेन तमा ठिक आता
ह्युलरि ताबा आन्दोलन
ग्ले तोला थेन गणतन्त्र तोला जेक्खे आहिन
दारेम ह्युलबाला याङ्ताम याङ्बारि
समाजवादी गणतन्त्रला आन्दोलन तादोला ।
ग्ले ठिमरि ग्लेला जेक्खे सार्वभौमा ताला
ग्ले बिमा स्यान्दो रैतीकादे मोक्कोन, छोन्बोन सिबा लास ताला ।
०६२/०६३ ला लोकतन्त्रिक आन्दोलन ग्याम ग्ले ठिमदा व्यङ्जि
ल्हनान ज्योज्यो–आले, नाना–आङा थे दुइरि सहिद दोजि ।
जामाहिन्छे ह्युलरि पुँजीवादी गणतन्त्र वाङ्जि
बयल गाडा ख्रेसि अमेरिका दोबारि आखाम पाङ्बा गोबोन
दान्तेला काइपा, लोन्पो, चोहो ।
ग्लेला लिप्सो आन्दोलन लाबा बेकार पाङ्बा थे नोन उखाने काइब्लोन ।
उखान टुक्का पाङ्ना पाङ्ना थे नोन दोजि काइब्लोन ।
थेनि कादेसेन याङ्जि लोकतन्त्र
थेनि कादेसेन यङ्जि गणतन्त्र ।
तासाइ ह्युल थेन ह्युलबासे तिला यङ्जि ?
थेलान मनपरि तन्त्र ।
थेनोन भ्रष्टचारी ।
ओम थेसेन याङ्जि लुटतन्त्र ।
होराङ तासि गणतन्त्रला विकल्प ग्ले अता ।
ह्युल थेन ह्युलबादा सोना लाबा, समाजवादी गणतन्त्र हिन्ना ।
समाजवादी गणतन्त्ररि जेक्खे ह्युलबाला ह्राङ्बाङ ताबा हिन्ना ।
खालाइ भ्रमरि ताआतो, दान्तेला डिछ्या पुँजीवादी गणतन्त्र हिन्ना ।
चु डिछ्या चलाइदिबा दलाल पुँजीपती हिन्ना
होराङ्तासि गणतन्त्राला विकल्प ग्ले अता ।
दर्सेला विकल्प समाजवादी गणतन्त्र हिन्ना ।
समाजवादी गणतन्त्रला नेतृत्व लाटिबा पार्टी, नेमकिपा हिन्ना ।
पुँजीवादी गणतन्त्ररिन ह्युल थेन ह्युलबासे स्हु यङ्जि ।
गेनाम लाबा वर्गसे मुक्ति खाइमाइ आयाङ्जि
पुँजीवादी गणतन्त्रला शासक कादेसे, २७ खर्ब छे काप्पान
चाबान मुला म्हर थेन कान
होराङ्तासि गणतन्त्रला विकल्प ग्ले अहिन
दारेम ह्याङ्से गोतोजि, समाजवादी गणतन्त्र बातोजि ।
काँक्राबारी, भक्तपुर ।
तपाईको प्रतिक्रिया दिनुहोस