दुइ सुम साङ्गेता छ्यासाल्मा
सेम्ला नाम्दो प्रासाल्मा
सातेन मुला लाङ्बोरि 
उन्मा कल्प दाङ्बोरि 
पेङ्दोर्जे म्हेमेसे स्हेङ्बाला
तामाङ रिमठिम चु डम्फु
चु डम्फु थेन ताम्बाला ताम
पाङ्बारि ङादा खाजि सेम
ताम्बाम म्हिला ल्हुल ख्याम्मामि
डम्फुता नामसारि ख्याल्लाजिमु
रिमठिमला दोङ्बो चु डम्फु । 
खालावा ताम्बा बातासि
डम्फुसे ब्रान्छि टिमुला
ताम्बा दोसि आखासाइ
डम्फुसे दिन म्हुन डान्मुला ।  
न्यूयोर्क ह्युल्ला ह्याङ तामाङ
तामाङ रिमठिम ङ्योइसामि
सेबारि डम्फु जान्मुमुला । 
चु ह्यङ्ला सेम्लेङ स्हेङ्बा गेताङरि । 
स्यार, ल्हो, न्हुप, ज्याङ 
खान्दामासे खासाइ ह्याङ तमाङ
म्हेला नाउनिससे धुप ताजि
ह्याङ तामाङला थेमेमि
न्यूयोर्क ह्युलरि ह्रुप ताजि । 
साला लाङ्बो मुला नाम
रिमठिमला दोङ्बो ह्याङ तामाङ ।
एला ङाला आबिना
ह्याङ्ला रिमठिम स्हेङ्बारि
ग्यान्छि  सागुन डेन्गेले
तामाङ मोक्कोन डिक्केले
ह्याङ्ला गोन्बो स्हेङ्गेले ।

न्यूयोर्क ।
(तामाङ सोसाइटी अफ अमेरिकासे स्हेङ्बा ‘घ्योइ थेन सेमल्हेङ’ गेताङरि डोबा व्हाइखा ।)